最近執媽遇到個生命鬥士
佢係一個出左世一日既bb
但原來佢既生命係幾經辛苦先執到返黎
呢個媽媽講返佢既經歷比我聽，
再望住懷中好似舊綿花咁柔軟既bb
真係忍唔住滴下開心既眼淚
當日呢位媽媽恨左兩年，終於比佢陀到bb，
對住親戚朋友都三緘其口，怕bb小氣會陀唔穩！
終於過左三個月可以上網公布喜訊，可能呢個世界真係有「小氣」呢樣野
Bb去到13週幾既一晚，突然係媽媽訓訓下教期間「早期穿水」
需知道，係香港法例規定，24週以下既bb唔officially treated as 「胎兒」只係會當做「胚胎」
23週以下突然肚痛穿水作早產，都真係只可以自求多福
係某d醫院，23週至24週其間，醫生會同父母商量，到底要唔要搶救，但當然後續既發育係令人擔心架喇！
過左24週，佢已經係一個「胎兒」，醫生一定會全力搶救架！
而今次呢個13週就穿水既bb主角！真係一個好少數見到既例子！
真係嚇到媽媽鼻哥窿都冇肉呀！
Confirm左真係穿水之後，根本冇野可以做，只會treat as missed abortion(小產）,可以做既係比抗生素預防媽媽感染、照住超聲波去監察bb胎水狀況同發育，直至自然/手術排出
呢位媽媽當然喊到傻左喇，但佢話穿左水後望住個超聲波，見到bb個心仔仍然強而有力咁跳緊！手腳繼續郁胎水亦冇明顯咁少到，好似係到叫緊媽媽要努力唔好放棄佢咁呀
聽到呢到，執媽都眼濕濕呀
就係咁樣，日復日，不斷訓床休息，放棄工作，媽媽同bb渡過一個又一個難關，bb繼續長大，胎水仍然健在！直到最後自然作動見紅穿水肚痛，bb足月順產出世
好感動，可能係因為神蹟或者滿天神彿保佑，可能bb只係穿左兩層胎膜既其中一層，可能個窿只係好細之後自己慢慢合返埋
無論咩原因都好，bb,執媽真係好欣賞你！咁細粒就已經經歷咁多大挑戰！而你都一一誇過！（最厲害既係抽血驗發炎指數都完全正常）！！希望你將來遇到任何困難都會好似出世前咁勇敢！你媽媽都會一直做你最強後盾！
其實由知道懷孕一刻！每個父母都只係希望bb可以健康正常成長
但往往懷孕就好似要過五關斬六將咁每關KO
執媽祝願你地每一位都平安順利渡過懷孕期，生個健康bb
你地或者朋友有冇好驚險既懷孕過程想分享？留言比我呀
#港式執媽
#PPROM
#pretermprenatureruptureofmembranes
#早期穿水
