2019-05-30

507

兒科綜合眼科視光檢查 政府VS私家

Jasmine 出世到而家眼淚都比較多,而且我覺得有輕微雙眼協調問題,所以一歲時由健康院轉介咗睇政府嘅眼科,分別一歲同一歲半各睇過一次,佢哋都話佢冇乜問題,半年再去檢查一次。

不過Jasmine 兩歲時咁啱流感高峰期,加上平時眼科診所都好繁忙,每次等埋攞眼藥水都要差不多三個鐘先走得,所以今次決定去私家睇。

今次視光師幫佢做咗好詳細嘅檢查,包括視力,有冇色弱等問題,視光師話佢視力正常冇問題,而斜視問題屬間歇性,問題唔嚴重,教咗我幫佢做一啲眼部運動,可以慢慢改善問題。但眼淚問題主要原因如我所料,係因為下眼睫毛倒生所影響,暫時可以喺屋企自己護理,有d個案會有好轉。另外又叫我唔好幫佢抹走眼淚水,因為眼淚水可以保護眼睛,就算眼睫毛掂到都冇咁容易發炎。

雖然今次檢查都唔平(因為我選專業視光師,如果實習生會平好多),但慶幸遇到比較細心嘅視光師姐姐,幫Jasmine用好多唔同儀器做檢查。如果係政府檢查,可能又係答我冇乜問題,叫我返去滴下眼藥水就算喇!

今次帶Jasmine 係去理大眼科視光學診所做眼科檢查呀,佢哋網站附有收費表。 我試過打電話想預約永遠都冇人聽,最後send email預約嘅,如果想查詢都可以試吓再打電話,好似可以留言呀。

↫↫↫↫ jαsmínє & mαmα ↬↬↬↬

Facebook專頁:http://www.facebook.com/jasmineandmama

Instagram:http://www.instagram.com/kathryn.Jasmine

聯絡電郵:[email protected]

【編按:以上內容為作者之個人意見及立場】

相關文章

緊貼新冠肺炎最新相關資訊