2019-02-04

250

卡路里指數爆燈!10大賀年食品 食前記得諗諗

農曆新年,各式各樣美食當前,認真少啲定力都控制唔到自己呀!為免過完個年,肥成個圈,被人取笑「『豬』圓肉潤」,就要當心留意以下卡路里指數爆燈嘅10大賀年食品啦!盡可能少食為妙,可免則免,避得就避啦!

1. 開心果 10粒=320kcal
開心果熱量和鹽分都極高,10粒卡路里比1碗飯還要高,不過其當中含有蛋白質、維他命B6、維他命E等,且含單元不飽和脂肪酸,可降低壞膽固醇水平,有抗氧化物成分外,更有助預防心血管疾病和癌症,故此久不久淺嚐一吓也未嘗不可!

2. 油角 1件=130kcal
油角一般含有花生、椰絲及砂糖,油炸而成,一件相等於130kcal,需要步行30分鐘才可以消掉,邪惡至極,因為分分鐘唔覺唔覺,食多咗都唔知道,故大家小心中伏呀!

3. 煎堆 1個=250kcal
煎堆進食2個已差不多相若於一般人正餐建議攝取熱量,所以千祈唔好貪香口就食唔停口。

4. 年糕 3件=420kcal
年糕以糯米粉、粘米粉及黃糖製成,糖份含量極高,3件差不多等於2碗飯熱量!絕對是眾糕點之首,而且唔少人都鍾意將年糕沾蛋煎,咁做法除咗會使脂肪增高外,更會增加膽固醇風險,所以都係一件起兩件止啦!

5. 黑瓜子 20粒=42kcal
瓜子中油分大約佔總成分60%,20粒黑瓜子有42kcal,以比例計其實熱量很高!加上以鹽炒烘,鹽分含量也高,兼容易令人食完1粒接1粒,吸取過多脂肪。

6. 夏威夷果仁 100g=650kcal
不論合桃、杏仁,只要食100g份量,卡路里指數就高達650kcal,要消掉,要行山2個半小時或做1小時划艇器械,食就易,但要減就好難啦!

7. 糖蓮子 100g=311kcal
糖蓮子充滿高糖份,食100g便相等於打30分鐘柔道所需消耗熱量,絕不容忽視。

8. 朱古力 100g=580kcal
朱古力屬高糖高脂食品,宜細味淺嚐,一排100g朱古力為例,當中含有580kcal,相等於2碗半飯熱量,加上當中糖分、飽和脂肪和膽固醇等,如攝取過量,會造成對心血管健康影響。

9. 湯圓 1粒=80kacl
湯圓熱量十分高,3-4粒就已經可抵1碗飯,雖然湯圓象徵一家團團圓圓,但也需節制,尤其三酸甘油酯過高患者更需多加注意,份量不宜過多。

10. 盆菜 1碗=950kacl
農曆新年,家家戶戶為方便起見,都少不免會訂個盆菜來食,但1碗盆菜相等於950kacl,事關內含不少致肥陷阱,因為它們多以南乳等醬汁燜煮,脂肪加上醬油,絕對係肥上加肥!

如果真係唔覺意食多咗,都唔緊要,跑步來找數啦!

計算跑步消耗卡路里公式:
「體重(kg)×跑步距離(km)×1.036=消耗卡路里(kcal)」

至於,每日每人平均所需吸收能量幾多?(見圖表)

資料由衛生署提供

【編按:以上內容為作者之個人意見及立場】

相關文章

【營養師話你知】農曆新年的飲食大法

垃圾食物點戒好?營養師:零食都有營養高低之分

小JM料理台。自家製。簡易無蛋。流心芝士酥皮撻(2y+)

托兒所給媽媽的字條:女兒的小食'不能接受'

緊貼新冠肺炎最新相關資訊