2019-08-07

1.6K

【消暑止渴】山楂蘋果茶

依幾日真係熱到冇朋友,咁熱唔好話出街,就連胃口都真係麻麻。見屋企仲有半包山楂片係度,所以就買多幾個蘋果,開工煲近期大熱,可以消暑止渴嘅山楂蘋果茶啦~

蘋果具有生津止渴、潤肺除煩、健脾益胃、養心益氣、潤腸、止瀉、解暑、醒酒等功效;山楂有利於降血脂,且有抗氧化功效,降低動脈粥樣硬化風險。而且山楂嘅酸味有助於增加唾液分泌,消暑解渴。(網上資料)

山楂片1両半、蘋果4個、冰糖適量~

山楂片清洗乾淨~

蘋果刮去果蠟果蠟後去芯切開~


煲內放大約2L水,然後加入山楂片和蘋果~

待滾起後,用大火加蓋煲10分鐘~

然後就可以因應個人口味加入冰糖~

轉用慢火加蓋煲45分鐘~

飲得啦~

山楂我平日都比較少煲,因為我家老細都唔太鐘意啱一陣酸味。不過,今次我就減少左啲啲山楂,用多左少少蘋果去中和嗰一個酸味,估唔到又幾好飲,小小豬仲話似利賓納咁好味添!

小小豬仲叫我提大家,一定要雪凍嚟飲,因為咁樣好飲好多,同埋....飲完個身體會冇咁熱呀....哈哈哈!

溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!

- 尿頻、胃酸過多、月事中的女性及孕婦不宜飲用山楂。

【編按:以上內容為作者之個人意見及立場】

相關文章

【從小學理財】如何教孩子賺錢養興趣?

【外傭趣聞】洗鞋洗出泡!僱主雨下變搞笑片主角 網民:十個趣

【母愛偉大】黎巴嫩孕婦入產房分娩遇爆炸 無懼紛亂勇敢產子

國際青年日研究發現:不足一成自閉症青年能獨立生活 協康會籲為自閉症青年提供生活技能訓練

緊貼新冠肺炎最新相關資訊