夏天都真係幾熱，唔好話小朋友就連我地啲大朋友都冇乜胃口。所以就簡簡單單煲個蕃茄薯仔洋蔥豬骨湯，酸酸地易入口之餘，仲好有營養添。
唔好睇呢啲材料看似好簡單，但其實佢地各有功效而且非常有益。紅蘿蔔 – 益肝明目、增強免疫力、降糖降脂；蕃茄 – 生律止渴、健胃消食、涼血平肝、消熱解毒、降低血壓；薯仔 – 保中益氣、健脾胃、消炎；洋蔥 – 防癌抗衰老，所以依個湯仲唔係一款營養齊全又好味嘅靚湯。
蕃茄3個、薯仔2個、紅蘿蔔1條、洋蔥1個、豬骨$35
豬骨先飛水備用，紅蘿蔔去皮切件，洋蔥去衣切塊
蕃茄去蒂切塊；薯仔去皮切角
煲內放約2L水，待煲滾後加入所有材料
待再次滾起後，繼續先用大火加蓋煲約10分鐘
然後轉慢火加蓋煲45分鐘
最後加鹽調味就可以飲得
其實蕃茄薯仔湯我間唔中都有煲，不過加埋紅蘿蔔同洋蔥就係第一次，原來個味道就仲清甜，可能就係因為個洋蔥帶起個甜味，所以小小豬都不知幾鐘意飲呀~
溫馨提示：
– 由於個別人仕體質不同，所以大家記得煲之前了解下自己，如有疑問，請先向註冊中醫查詢！
