【爸爸愛煮意】鮮茄芝士吞拿魚貝殼粉．簡易版

因為小JM岩岩打完針既關係，

所以爸爸為小JM落廚去預備晚餐，

預備左鮮茄芝士吞拿魚貝殼粉做晚餐。

今次我係負責為爸爸去做文字紀錄，

所有材料、製作過程等都係爸爸自己一手包辦!

不如又一齊睇下爸爸點整同整成點～

（圖片由小JM爸爸提供）

材料：

蕃茄|一個

吞拿魚茸|適量

BB芝士|兩片

做法：

1.  先將BB貝殼粉以滾水煮開，盛起備用。

2. 將蕃茄去皮，切粒備用。

＊蕃茄去皮小貼士＊

其實只要係蕃茄表面用小刀輕劃幾下，再以滾水煮數分鐘， 盛起後待涼，即可輕易撕去。

3. 將即食吞拿魚茸倒出，備用。

4. 芝士切條，備用

5. 將已去皮及切粒既蕃茄倒入鑊中煮成茸

6. 再加入吞拿魚茸及芝士，慢慢攪伴。最後加入已煮好既BB貝殼粉，再略煮即成。

7.)    大功告成，小JM又有美味晚餐啦！

今次又真係要俾個讚爸爸既，

為左氹小JM食野，幾攰都落手落腳整晚餐。

所以幾時都話囡囡就係爸爸既前世情人，

打完針扭下計咩都無問題（雖則平時唔得），

但今次爸爸照單全收晒。