早前睇肥媽節目，見佢用左個新方法整乾煎蝦碌，見都唔係咁難，所以我又嚟試下整肥媽版嘅乾煎蝦碌啦！
原本都打算去街市買啲大海蝦嚟整，不過始終都係第一次，為免失手時浪費，所以都平平地買盒急凍蝦嚟小試牛刀先。
首先將蔥切成細粒粒先
蝦解凍後洗乾淨，取走蝦腸，從背部至尾輕輕地界一刀開邊
先用油爆香蔥粒，然後加入黑胡椒及鹽，做成蔥
將蔥油釀入蝦內(唔好太貪心，釀少少蔥油就好啦，如果唔係一陣煎時就有少少"論盡"啦)
最後一個步驟，就係煎熟啲蝦，個蝦殼煎到乾乾地咁就最好食啦
我就係錯誤示範，由於我貪心釀多左蔥油，所以反轉煎另一面時多出嘅蔥油走晒出嚟，所以大家唔好學我呀
雖然冇六號講到有幾咁好食(哈哈哈...我都覺得六號有時幾浮誇)，估唔到蝦肉同啲蔥油又真係幾夾，唔可以係好"丁"聲好味，不過就幾特別啦！
有左今次成功經驗，等我下次買啲海蝦嚟煮，啖啖肉應該就仲好味呀！
