我們一家人基本上每星期五都約好返小豬爸屋企，由我做大廚一齊開開心心食晚飯。早排見到啲蟶子都幾靚，所以就買左啲嚟整豉椒炒蟶子啦。
材料就只係1斤蟶子、豆豉醬、蒜頭5粒、1隻紅椒。
將半個蒜頭剁成蒜蓉，紅椒切片。
我覺得煮嘅過程都唔複雜，洗蟶子先係難呀。雖然海鮮檔都幫我開左肚洗左啲污穢物，不過仲仍然有好多沙嘅物體係度，所以就要努力咁續隻洗洗洗呀。
洗淨後放入滾水中略煮撈起，瀝乾水份備用。
下鑊滾油爆香蒜蓉及紅椒。
之後落兩湯匙豆豉醬。
加入蟶子及小小水，快手炒炒炒，炒大約三分鐘至離殼。
可以上碟食得啦。
第一次煮都算係成功啦，可能汆水過程我遲左少少撈起，所以感覺上好似熟左啲啲，下次再煮一定要留意下先。
不過慶幸各家庭成員都對我都非常包涵，都讚我煮得好食，所以都令我非常有滿足感呢！
