自家廚房：象仔燜燒杯豆腐花

早排見到有朋友仔整咗象仔豆腐花，仲整得好靚，所以又嚟偷師整俾小小豬試下。

材料超級簡單：豆漿250ml、1/4茶匙食用石膏粉、1/2茶匙鷹粟粉、1湯匙水。

用水把石膏粉和粟粉溶在一起。

然後倒入象仔壺。

然後將豆漿煮滾，一見到豆漿滾起(即起泡泡)，就要馬上熄火啦。

之後就將熱豆漿馬上倒入象仔壺，動作要快一定要一口氣把所有豆漿倒進去。

之後蓋上壺蓋(不用扭實)，靜待20分鐘。依個時候千其唔好移動象仔壺，否則會影響凝固。

雖然話等20分鐘，不過為免有所影響，所以我等左半個鐘先打開。
夠鐘...食得....睇個樣都好似幾滑咁。

雖然比起出面食嗰啲個賣相就差左啲啲，不過個味又真係唔錯。睇小小豬個為食樣就知啦，個傻仔仲食左我大半壺呀....哈哈哈。

簡簡單單就有個好味熱甜品食真係唔錯，趁屋企仲有材料，等我下次再整個俾小小豬食，等佢開心下啦！