自家製作：班蘭椰子布丁

話說早排同小小豬出開九龍城，就周圍行吓啲街頭店鋪，想睇吓有無啲泰式調味料可以返屋企煮餸用。不過，啲泰式調味料真係太多款式，所以我都唔知買邊款好，就係我仲考慮緊買咩時，我就見到依一款班蘭椰子布丁嘅預伴粉。班蘭同椰子都係我至愛，所以問咗老板娘點整之後，就買咗一包返去啦！

今日個整甜品mood到，所以就買咗一罐椰漿，開工整班蘭椰子布丁啦！

其實個過程都真係勁簡單，首先將啲預伴粉倒落個煲度。

加入200ML暖水。

再慢慢加入300ML椰漿。

慢慢攪拌至無粒粒。

最後用明火煲至杰身。

依個時候就可以倒入杯仔，放入雪櫃等待凝固。

我雪咗大約兩個半鐘之後，就可以食得啦！

哈哈哈，有得食依個小小豬又點會無佢份呢？睇佢食得幾滋味！

今次依個製成品唔算係太成功，因為個質感唔多似布丁，比較硬身左啲啲，口感似啫喱糖多啲。

不過個味道都唔錯，都叫做有班蘭味名椰香味，都叫做過到關啦。下次等我再去買過返屋企整時，一定會更加好味呀！