嘩哈哈，小小豬食緊啲咩，食到佢個樣咁浮誇呀！？唔唔唔……知唔係我整嘅芒果布甸啦！
其實我都係好鐘意食芒果布甸，仲記得最勁嗰次係去酒樓飲宴可以一次過食四碟，仲俾啲屋企人笑到依家，諗返上嚟都真係覺得自己食得好癲呀！
不過我就鐘意食，但好少自己整，之前睇肥媽見佢三幾下手腳就整到滑滑嘅芒果布甸，所以就即刻買齊材料整啦。
先將芒果切成粒粒。
準備兩包芒果啫喱粉。
加入暖水一杯半。
淡奶一杯。
最後加埋啲芒果粒拌勻。
然後倒入容器，原來依個份量都可以整都好多杯呀。
其實放入雪櫃冷卻大約三個鐘左右，啲布甸就已經凝固可以食，所以尋晚我同大肥豬都已經每心食咗一杯做夜宵啦。
真係超級好味，滑滑嘅布甸勁香芒果味，如果唔係因為太夜，怕肥唔敢食太多，我怕我真係會又嚟唔停口呀！
當然，有好嘢食又點少得小小豬呢？所以我就留咗個BEAR BEAR芒果布甸今日同佢一齊食啦！
睇吓個為食小小豬食得幾開心！
哈哈，可能有我優良傳統，所以小小豬都不知幾鐘意食，成個BEAR BEAR芒果布甸唔使十分鐘就已經俾我地三口子KO咗啦！
