親子廚房：簡單光波曲奇餅

落住毛毛雨，唔敢帶小小豬周圍去，怕冷病到時就麻煩啦。不過留係屋企都有其他節目，就係同小小豬親子廚房整光波曲奇啦。

其實我一向都好少整曲奇，因為知道無論我點整，都一定冇出面街買嘅咁好食。

不過上次係我焙焗店上貨時，見到有包曲奇預伴粉，見到好似好簡單，最好就係唔洗加雞蛋，所以就買左一包嚟試吓同小小豬一齊整啦！

先預備100g牛油。

之後用熱水坐溶牛油。

準備溫水20g。

將預伴粉倒入碗內。

將水加入然後慢慢拌勻。

牛油分三次加麵份中，要慢慢拌勻呀。

完成的麵團就可以放入雪櫃雪大約半個鐘。

雪完之後，就可以將麵團碌平。

然後就可以吸圖案啦。

最後放入光波爐以220度焗20分鐘。

出爐啦，不過始終光波爐同焗爐係焗曲奇方面都始終有啲出入，加上我又眼睇得唔夠快，結果有少少燶左添。

雖然係燶左少少，不過小小豬係小小豬親手整嘅，所以都要品嚐吓啦(當然燶嗰啲就唔會俾小小豬食啦)。

我覺得同小小豬嚟親子廚房食都唔係最重要，係整嘅過程小小豬嘅投入同參與度先係最重要，所以我都唔會理大肥豬講咩，總之有好玩得意嘅嘢食，我都會繼續同小小豬親子廚房一番呀！