大肥豬買咗一件好玩又好食又可以親子嘅玩具返嚟，睇吓小小豬幾開心！依件玩具之唔係小型家屋爆谷機，啱晒我依個爆谷控，依家喺屋企想食嘅時候就可以隨時有爆谷食啦！
小小豬好似仲感興趣過我，一見到就十分好奇咁究竟吓部爆谷機。
當晚返小豬媽屋企食飯，我地都已經急不及待即刻去買包爆谷粒試玩，小小豬開頭都係好平靜等啲爆谷出嚟。
一見部機噴啲爆谷出嚟嘅時候幾開心~
都算依個為食小小豬乖仔啦，因為第一粒先餵俾陪佢整爆谷嘅小豬媽食。
之後就到佢自己就密密食啦！
大家可以睇吓短片就知成個整爆谷過程，真係幾好玩，成個過程都唔洗三分鐘，當見到啲爆谷由機彈出嚟時，又真係幾得意呀！
因為我買咗一隻原味爆谷粒，但又唔可以直接放埋啲調味落去部爆谷機，所以我地大人食就會覺得淡味啲，但口感都一樣好鬆，不過我就覺得幾啱小小豬食(因為我都仍然唔會俾太多甜嘢佢食嘛)。
依排我會留意吓喺街外買啲有味嘅爆谷粒，或者研究下點後加調味落去啲爆谷度，咁就一定又好食又好玩啦！
