親子廚房：自家棉花糖

小小豬又有新攪作，今日係我啲食譜書入面搵到本教整棉花糖嘅書，之後就要求我買材料同佢一齊整，見佢咁有誠意同埋大部份材料屋企都有，所以就嚟開工親子廚房一番啦。

 

其實內心深處我都係好鐘意食棉花糖，不過都係買現成多，之前都未整過。雖然早前好友轉贈左本整棉花糖嘅書俾我，嗰時我都睇左好幾個食譜打算整，不過條懶根都仲未除晒，所以一直都係得個諗字，所以今次有小小豬帶起，我終於的起心肝啦！

 

細砂糖 150g、粟膠 1湯匙、蛋白2隻、魚膠粉 15g、檸檬汁 1湯匙、糖霜適量及水60ml

材料好似好多咁，但整落又好似幾易，小小豬話邊睇住食譜邊整呀

首先將兩隻蛋白加入碗中，然後用打蛋器打至發泡

另一邊就將砂糖、魚膠粉、水及粟膠加入碗內

之後就用加熱至溶化

待溶液涼至室溫之後，就可以慢慢加入到蛋白泡泡啦

一定要慢慢分幾次加入，同埋再慢慢攪勻，因為如果一快手，啲空氣入返去個蛋白泡泡度時，咁就會失敗啦

再慢慢攪，攪勻好晒就可以倒入小盒，之後放入雪櫃雪啦。

雪左兩個鐘左右，就可以拎出嚟切細細粒。