2020-04-01

1.5K

【防疫包包必備】米琪媽媽的口罩套分享

本來都覺得口罩套無乜作用,但小米媽試過自己食飯時除底口罩之後想帶返,除咗用紙巾或者紙包住個口罩外,跟住就唔知放喺邊,求其hea喺袋入面。

而小米都試過問我,用咗一陣嘅口罩放喺邊,我除咗教佢要用紙巾包妥當後,無理由又教佢求其hea啫!

所以最近都入手了幾款口罩套,用過後想同大家分享一下!

圖左係直向,而file內有2格,可分別放用過及新的口罩。長度適合放成人呎吋嘅口罩,小米媽試過放4個獨立包裝新口罩都無問題!

唔好嘅地方係2格放埋一齊太近,想放用過的口罩又怕會整污糟新口罩。

圖右公主圖案好靚,好明顯係買比小米,最欣賞佢係前後有2格,獨立分開放用過同新口罩,清潔衛生,唔怕污染新口罩,而且有啪鈕,我會將新口罩放啪鈕嘅一格,防止新口罩會跌出嚟!而背面嘅一格係開放式,方便小米琪放包住紙巾用過嘅口罩落去!

啪鈕格放任何呎吋口罩都可以,但成人口罩就要拆除獨立包裝膠袋先可以平放,比較適合放小或中童或女仕呎吋口罩。

有咗口罩套,就唔怕啲口罩亂咁放喺自己個防疫包包內啦!

#粉紅控果然全都是粉紅的

溫馨提示:使用前,記得要用酒精消毒才放新口罩呀!

【編按:以上內容為作者之個人意見及立場】

相關文章

2歲女拒戴口罩被趕下機 航空公司咁處理引網民兩極反應

消委會:11款口罩防疫效果低於聲稱 兩款性價比最高

【新冠肺炎】美國30歲確診孕婦昏迷20日 甦醒後發現誕下兒子喜極而泣:這個生命是奇蹟!

【復課抗疫包】7項復課必備用品 讓孩子做足準備!

緊貼新冠肺炎最新相關資訊