【家長福音】防止小朋友睇不合適內容！Netflix新増6大家長控制功能

小朋友「宅」在家中幾個月，家長除咗幫佢哋安排各種「停課不停學」嘅網上學習資源，亦少不免會畀佢哋睇娛樂節目，但好多時小朋友睇節目嘅時候，家長未必可以長期陪伴左右監察住佢哋睇緊咩內容，以致小朋友可能會自己撳咗去一啲唔啱佢哋睇嘅影片！

其中一個港人常用嘅家庭娛樂平台Netflix，近日就新增咗6個家長控制功能，等家長可以更安心咁畀小朋友收睇節目。

1. PIN碼鎖定

特定使用者可以Set 4位數字密碼鎖定帳戶，避免小朋友誤入家長帳戶而睇到唔啱佢哋睇嘅節目內容。

2. 年齡限制

篩除唔啱小朋友年齡嘅影片，避免小朋友喺兒童帳戶中睇到不適合其年齡嘅內容。

3. 內容限制

家長可以根劇影片名稱篩選某啲特定影集或電影。套用篩選後，被限制嘅影片就唔會喺兒童帳戶嘅任何頁面出現。

4. 使用者中心

家長可以善用「帳戶」中嘅「家長控制」選項，為仔女安排觀看設定。

5. 觀看播放記錄

家長可以隨時查看小朋友喺兒童帳戶中嘅觀看記錄。

6. 關閉自動播放

為免小朋友一開始睇就停唔到落嚟，家長可以為兒童帳戶關閉自動播放劇集嘅功能。