2020-01-21

8K

不可以食粥、午睡?10大農曆新年傳統禁忌(內含新年禁說)

仲有幾日唔夠就新年,禁忌交口相傳,其實都難以分辨真確性。雖然好多禁忌聽落都唔科學。但係遵守一啲新年禁忌或傳統禁忌,無疑令過年更有氣氛。同小朋友一齊仲會有玩遊戲嘅感覺添!如果想新一年有好意頭,不妨避開呢啲禁忌。

更多文章:
利用新年利是錢 教導小孩用錢概念
幾多歲先比子女自己運用利是錢?
專家教路:子女利是理財法 家長不宜私自「處理」利是錢

1.朝早沖涼洗頭
初一朝早沖涼洗頭,會洗走財運!

2.叫全名催人起身
新年一開始就被催促,象徵對方嚟緊一年都會畀人催住做嘢。

3.午睡
傳說以前有個講法:男人日頭瞓,田地會崩塌;女人日頭瞓,廚房就會塌陷。喻意新一年如果懶散咁過,就會冇啖好食喇!

4.鬧小朋友
一年嘅開始就唔好家嘈屋閉喇,為新一年和睦相處開個靚頭啦~

5. 洗衫
傳說初一、二係水神生日,所以唔可以洗衫!

6. 倒垃圾
初一至初四垃圾係財氣嚟,唔可以掉!要儲到初五先可以掉出街。

7. 殺生
年初一忌殺生,所以就盡量唔食肉喇。

8.食粥
多數病人先會食粥,年初一朝早食粥就唔吉利啦。

9.送單數禮物畀娘家
送單數禮物畀娘家一定要雙數,單數唔吉利呀!

10.曬衫
傳說初九係「天公生」,即係玉皇大帝生日,唔可以曬衫架!

新年禁話

新年最好盡量說好聽嘅說話,不吉利嘅字眼避免,例如「滾開」、「死」、「病」、「妖」、「鬼」、「輸」、 「窮」、「破財」等,或者諧音「書」(有「輸」意思)、「鞋」(有「唉」意思)等等,特別係長輩面前,最緊要慎言,多講祝福嘅說話,此外記得不要發脾氣,否則心情差,影響新一年的運勢。

雖然好多禁忌聽落都唔科學,但係遵守一啲新年禁忌,無疑令過年更有氣氛。同小朋友一齊仲會有玩遊戲嘅感覺添!


相關文章

【新春2020】帶仔女去拜年,會遇到尷尬的情況嗎?

新年 – 孩子情緒失控的高峰期

【拜年百寶袋】咩都可以無,但就千祈唔好帶漏佢...

【新年必睇】0-6歲逗利是攻略

緊貼新冠肺炎最新相關資訊