2019-05-24

8.7K

媽媽們三思!冬甩媽媽後悔買咗嘅5樣bb用品!

(戴返頭盔先) 個個bb嘅情況都唔同,有bb好啱用都未定嘅~

1)護頭背包

使用次數:約3次

點解冇用:有種過份保護嘅感覺,因為其實我家已經有圍欄同地墊,但我又去淘一個返黎,呢啲咪愛囉。冬甩學坐學行時亦都好少向後跌。

2)幼兒專用嘅枕頭

使用次數:冬甩6-8個月嘅晏覺多數都瞓地墊,地墊太硬,會用枕頭。

點解冇用:初生時基本上係唔使用枕頭,而家冬甩歲半有時喺大床瞓,有時會瞓瞓下由大床碌返bb床瞓,喺邊度瞓都勁翻瞓,所以其實成晚個頭掂都無掂到個枕頭

3)BB吹氣梳化

使用次數:約2次

點解冇用:我估係因為我個女唔鍾意被困,所以好憎坐喺入面,仲搖黎搖去。

4)食物研磨器

使用次數:約2次

點解冇用:開初餵過一陣子粥仔,但發現冬甩唔多鍾意餵,成日都唔擘開口,我冇耐性餵之下,轉咗baby-led weaning,食物唔使點加工,切成條狀就OK,買返黎嘅架橕就咁就荒廢咗。

5)控制出水速度嘅學習杯

使用次數:約5次

點解冇用:當我畀返普通杯畀冬甩飲水就發現自己買嘅學習杯嘅設計係太太太太體貼喇。人飲水唔會漏,係你眼尾睄到啲水去到邊,感覺到佢流緊幾快,幾時會流到嘴邊。冬甩見唔到啲水,舉高少少冇水,一野舉高勁多即刻一身都係,飲到鼻哥都有,慘慘豬。

【編按:以上內容為作者之個人意見及立場】

相關文章

【九展bb展】一個展嘅結束,代表另一個展嘅開始

同小朋友購物:7個小貼士,令你輕鬆啲!

女仔衫係貴啲,由一歲未夠就開始!

【留住童真】將兒子畫作製成頸鍊永久保存 媽媽:要將幸福戴在身

緊貼新冠肺炎最新相關資訊