2020-01-10

3.3K

幼稚園就叫小朋友自己做功課? 網民:題目都未識睇!點做?

對於新手父母嚟講,小朋友每踏入一個新嘅領域,亦意味住自己將要齊齊接受新挑戰,從起居飲食到選校入學,除咗小朋友要接觸唔同新事物之外,做父母就要為各項新事物張羅,再加以了解分析,就好似「應否陪同小朋友做功課」呢個問題,喺JM提出之前,鯊魚太可以話係從來無諗過可以比個三歲人仔自己做功課?連題目都應該未識睇嘅時候!佢又點樣識自己做?而且如果要由幼稚園就開始擔心小朋友唔肯做功課,又會唔會係過份緊張?

「有時我肉緊,佢反而唔肉緊,所以諗緊係咪要比返個責任佢。」

「我老公話佢咁會依賴我,叫我坐開。」

「要減少干預的密度,非必要都唔好擦咁多。」

討論區熱話:有冇人子女讀幼稚園,但唔會陪佢做功課

有JM就提到自己由幼稚園開始已經唔會坐喺小朋友隔離陪佢做功課,習慣等佢自己做完,先再加以檢查,如果真係有部分寫得太醜怪先會擦咗佢,叫小朋友再寫過,而最多都係擦三至四個字,呢個方法有效地令小朋友學習獨立,直到小學已經識自己做,唔識先會問。直到小三,更加可以完全放手由佢自己做,做完仲識自己檢查多次,連最後檢閱都慳返!

鯊魚太睇完各位JM分享之後,都不禁反思,平日成日話要相信小朋友嘅能力,但實際殺到埋身嘅時候,自己又做到幾多呢?而且原來要比小朋友自己做功課都有好多方法,喺學習知識嘅同時,或者都應該養成負責任與獨立訓練;當然幼稚園功課分好多種,若然係親子功課又無理由同佢分開做嘅!

討論區熱話:有冇人子女讀幼稚園,但唔會陪佢做功課

至於講到一啲要睇題目嘅功課,參考過大家嘅做法之後,或者家長可以選擇先作解釋同舉例,然後就稍稍離開一陣子,容許小朋友有自己嘅思考空間,唔好諗住幼稚園功課「快、靚、正」做完就算!

一般嚟講,如果幼稚園嘅小朋友唔願意做功課,可能係因為好難、好多,令佢哋萌生放棄嘅念頭,所以作為父母更應該給予鼓勵,令小朋友減少挫敗感,好似話寫字寫得唔好,咁都總有一、兩個字寫得比較好嘅,試下從讚佢邊啲字寫得好,送個貼紙獎勵下作,從而作出引導,總而言之,鼓勵先係最好嘅推動力!

 

【編按:以上內容為作者之個人意見及立場】

相關文章

【獨留兒童】4歲女童因倒掉午餐被老師罰 誤鎖二樓課室後墜樓重傷

【在家抗疫】不滿仔仔唔做功課 不眠不休沉迷電子產品 三子之母奇招應對

【教育方程式】千辛萬苦為仔女鋪路入名校 為嘅只係「名牌光環」?

成績再好亦不及品德重要 媽媽心聲:「唯一重視佢哋有冇感恩嘅心! 」

緊貼新冠肺炎最新相關資訊