2018-07-25

6.6K

開學買舊書要小心!阿女錯信學校師姐 二手書殘到「免費都唔會要!」

做咩事買二手書搞到呢位會員咁嬲?事源佢升中二嘅囡囡一心想買舊書,就幫襯一位同校師姐,佢話呢幾本書有八成新,諗住買舊書幫襯識嘅點都會有保障。呢位會員勸咗阿女,又唔係平好多,但睇過相片覺得可以接受,最後都由阿女自己去交收,點知返到黎,其中一本書殘到有會員形容為「免費畀我都唔會要」!

今次二手書事件,樓主同阿女用咗900蚊,總共買咗9本二手書加幾本作業,但依樓主形容,部分已經係三手書,加上版本好舊,師姐仲同阿女講,新舊版分別唔會好大!樓主覺得人地有心呃佢地,枉阿女真心當佢係好朋友,掙扎緊好唔好同校方反映返事件!

 

有會員就覺得要由校方跟進,因為雙方家長交涉過,但對方仲話:「你個女唔睇清楚係你個女問題,你咪去投訴囉!」,態度擺到明覺得自己無問題,加上睇埋圖片個折舊程度,就完全唔係師姐所講既八成新,明顯對方有心呃錢,應該退返全數!

 

不過同時亦有會員話唔好搞大件事喇,最大問題係師姐嘅父母,今次就當阿女買個教訓啦,乘機教育小朋友世途險惡,防人之心不可無。仲有會員建議,阿女可以不開名形式,將成件事同相 post係自己FB,提醒下自己朋友買賣二手書時要小心。

 

今次呢件事,令我諗返起自己都賣過書畀同校師弟妹,真係殘少少都唔敢畀人地,當時師弟妹家長都有同行,幫手Check下書,大家買賣都會安心好多。所以如果樓主真係在場幫手睇多眼,應該未必會發生今次事件。不過既然新同舊觀感好主觀,睇清楚最新出到第幾版做參考,呢啲功夫都應該教小朋友做得足啲,唔好聽師姐片面之詞。最緊要討論下買舊書嘅利弊,一人讓一步,未必要全部書都買哂新或舊書。

 

立即入討論區一齊傾

【編按:以上內容為作者之個人意見及立場】

相關文章

【寮屋女生】遭父拋棄 3姊弟每日爬山返學 女生不呻苦升讀英中

【港童零自理能力事件簿】好驚嚇!中學生要工人姐姐幫手沖涼!

重現經典鏡頭:幼稚園第一天上課 vs 高中畢業

緊貼新冠肺炎最新相關資訊