2018-04-04

2.1K

{香港秘密花園}☆ 親子BBQ

正當大家襯復活節一連四天假期外遊  尋蛋

去PLAYHOUSE......

由於一班親戚喺加國回港

我哋決定黎個最原始嘅family BBQ gathering

一切由買食材  包蔬菜   買炭  燒烤叉開始……

今次選址係大潭篤郊野公園

大家可以喺柴灣地鐵站坐van仔前往或於西灣河坐14號

巴士於大潭水塘下車

啱曬香港島住嘅家長們前往

方便程度就連三個月大嘅細佬b都可以一齊去

一落車就見到一個閘

沿途經水塘步行約十至十五分鐘就有燒烤區

大潭水塘文物徑適合一家大細步行

空氣清新  風景宜人

仿如石屎森林中的秘密花園

沿途平路推BB車前往都冇問題

細佬B都可以到郊外呼吸新鮮既空氣

經過條橋就見到第二個燒烤區

見到呢兩隻貓頭鷹再行入去就係我哋今次揀嘅地方喇

上樓梯後沿小路行三分鐘就見到這個秘密花園了

一入去會見到一個好大的涼庭

跟住再有三個好大既平地俾小朋友跑跑跳跳

開爐了 久違的大自然與炭燒味

簡簡單單的燒烤包   雞翼   丸   腸   羊架   一口和牛

蔬菜包   日本蕃薯   麵包  菠蘿    蘋果    棉花糖

BBQ都可以好健康

可能好多家長都會怕燒嘢食會危險

與其擔心佢哋細個不懂事

不如從小教導佢哋注意安全

兩歲半嘅包包都可以幫手傳遞蔬菜包

芬蘭教育主張從小接觸大自然

香港又有幾多小孩能夠享受爬樹之樂呢……

包包非常鐘意親親大自然 徒手玩泥沙 執樹葉 石頭

觀察小螞蟻 小昆蟲 執樹皮 看年輪

這種體驗都是生活在城市森林裡的小孩最難能可貴的

小孩子充滿幻想力 還會用樹葉松果

泥沙石頭用嚟玩煮飯仔

由於玩到滿身泥沙  建議家長準備多套衣物替換

同場加映環保分類教學

飲完嘅紙包飲品仲可以教小朋友廢物分類

從小教導小朋友環保意式是十分重要的

由於郊野公園唔會有一般商場式的嬰兒換片處

其實只需帶備bb車便可解決

當然要注意帶備防蚊措施

幸福其實很簡單

假日只要一家人聚在一起便是了

加國親戚們要回去了   下月包包會跟婆婆到加拿大探親

Enjoy your childhood

 

【編按:以上內容為作者之個人意見及立場】

相關文章

緊貼新冠肺炎最新相關資訊