2017-12-08

4.8K

【又到聖誕】每年全城期待,今年尖沙咀有咩睇!?光影匯演開始咗喇

temp (8)

年輕既時候,聖誕節最期待就係去尖沙咀,因為大型商場既聖誕裝飾一定唔會令人失望,所以有了小朋友都一定要帶佢出尖沙咀感受一下聖誕氣氛。 而家出尖沙咀,除左去商場影相之外,仲可以睇埋幻彩詠香江,同埋閃躍維港光影匯演,一次過滿足幾個願望!

temp (9)

temp (7)

幻彩詠香江+閃躍維港光影匯演

其實身為香港人,貓町媽媽其實都無好認真咁欣賞過幻彩詠香江,細心睇下,我覺得香港既夜景其實好靚,只不過我地見得太多,所以無咩特別感覺。當小火子睇幻彩詠香江時,見到天上綠色既激光話係spider man, 仲話自己係iron man要射返佢,童心看世界真係唔同D~  而我們期待既其實係閃躍維港光影匯演,就係透過3D投影投術,在文化中心的外牆上會出現動畫投影,畫面由一條龍帶動,有香港夜景,有特色大廈,最後會變成祝賀聖誕既畫面,我覺得畫面都幾豐富,小朋友會鍾意睇~ 而且光影匯演期間,不時會降落飄雪,十分有氣氛,小火子見到雪都表現得好興奮呀!

1. 幻彩詠香江:  每晚8

2. 閃躍維港光影匯演: 2017年12月1至28日(「香港繽紛冬日節」期間)

3. 晚上8:10、8:40、9:00、9:20 及9:40 (每節約8分鐘)

temp (6)

temp (4)

光影匯演後,鐘樓變左彩虹顏色,好夢幻呀!  文化中心廣場上既水池位置亦佈滿左發光既彩色波波,仲有一個好大既水晶波,都係唔可以錯過既打卡位呀!

temp (2)

temp (1)

temp

海港城七彩飛船 + 必影汽球屋

睇完光影匯演,當然要去埋海港城影相啦,今年既聖誕佈置好靚呀! 係飛船主題,顏色以紫色,白色,金色為主,感覺很華麗。 晚上既海港城就一定多人架 la, 要好好睇實小朋友~  而小火子見到d聖誕裝飾都好興奮, 自己走埋d公仔度笑哂口,「但係未到你呀,人地影緊相架….」

temp (3)

在樓梯旁邊,有一間佈滿彩色汽球既小屋,係我今次既目標之一呀! 只要捐$60比香港血癌基金會就可以入內影相,影完仲可以拎走一個汽球,小火子選擇左金色!  屋仔影相效果一流,而且又有意義,推介大家必去呀!  不過呢,溫馨提示,要影到滿天汽球既效果就要低炒拍攝,但如果坐在梳化便要小心影到肥腳,就好似我咁….要小心角度呀,不過如果天生瘦腿人就點影都無問題啦~

temp (5)

當然樓梯都係必影位啦,不過帶住小朋友就好難慢慢影相架la,但見到小朋友咁開心,就夠哂啦! 祝大家今年聖誕節都同大小情人影好多靚相~

謝謝收看,有關影片可在貓町媽媽的facebook專頁收看。

喜歡貓町媽媽的文章或想觀看更多親子玩樂情報,
歡迎到訪及讚好貓町媽媽的facebook專頁:

<貓町媽媽 親子 玩樂 扮靚日誌>

【編按:以上內容為作者之個人意見及立場】

相關文章

緊貼新冠肺炎最新相關資訊