【小編玩樂推介】精選5個「放電」親子好去處 媽媽們去過都話正！

踏入12月，無論大人定小朋友都開始進入Holiday mood！各位家長，係時候計劃吓周末或者假期要帶小朋友去邊度「放電」喇！～小編為大家搜羅咗5個多位媽媽親身去完都話正嘅親子好去處畀大家參考，梗有一個啱你心水！

1. 屯門：室內兒童遊戲室　免費「上太空」
2. 粉嶺：環保、歷史、美食一日遊　邊玩邊學
3. 元朗：捉蟹仔睇日落　感受大自然
4. 元朗：同可愛草泥馬Say Hi！
5. 北角：玩STEAM玩到唔願走

1. 屯門：室內兒童遊戲室　免費「上太空」

免費又好玩嘅親子好去處，幾時都係家長嘅首選！今次暴龍媽媽帶囝囝去到全新開幕嘅屯門兆麟體育館，試玩免費放開畀公眾嘅兒童遊戲室，遊戲室以太空為主題，繩網陣、太空船滑梯、迷宮等好玩設施全部都超級靚，絕對可以滿足小朋友想做小太空人嘅願望！

全文：【親子好去處】屯門太空主題全新免費遊戲室

2. 粉嶺：環保、歷史、美食一日遊　邊玩邊學

曾媽三寶早前帶住三個小朋友去粉嶺一日遊，行程非常豐富！佢哋先去到免費參觀嘅環境資源中心學習環保概念，再去到有68年歷史嘅聯和墟古蹟感受歲月嘅變遷，然後再到經過翻新活化嘅前粉嶺裁判法院同埋大歎美食，玩足全日！

全文：粉嶺 – 免費親子中心、美食、聯和墟舊市集、法院、教堂古蹟 一日遊

3. 元朗：捉蟹仔睇日落　感受大自然

位於元朗流浮山嘅下白泥有「港版天空之鏡」之稱，可以話係全香港睇日落最靚嘅地方！早前貓町媽媽同老公一齊帶囝囝去到下白泥享受郊遊嘅樂趣，同囝囝一齊搵彈塗魚同埋蟹仔嘅蹤影，差啲玩到唔願走！

全文：下白泥捉蟹仔賞日落

4. 元朗：同可愛草泥馬Say Hi！

唔使特登出國，香港都有得睇草泥馬！位於元朗錦田嘅「菠蘿園」最近引入咗人稱「草泥馬」嘅羊駝，加埋本身已經有嘅羊仔同兔仔等小動物，可以滿足小朋友嘅好奇心！

全文：【親子好去處】菠蘿園 近距離親親草泥馬

5. 北角：玩STEAM玩到唔願走！

介紹咗幾個新界區親子好去處後，今次轉移陣線嚟到港島北角嘅香港兒童探索博物館！博物館專為10歲或以下兒童而設計，入面有五個展區可以畀小朋友玩角色扮演、玩水、畫畫等，當中加入咗唔少STEAM元素，仲順便教埋小朋友學習愛惜大自然，令小朋友玩到唔願走！

全文：【親子好去處】值得再去！遊戲X教育@北角香港兒童探索博物館