2017-12-29

【放電好去處】尖東鬧市裡的公園。百週年紀念花園

之前都有介紹過尖沙咀區嘅小朋友樂土「中間道遊樂場」，今次再介紹嘅規模比上一次嘅細。
不過以旺區嚟講，都有免費兒童遊樂場俾小朋友放電，實在係太好啦。因為普遍小朋友都唔鍾意陪父母行街街，所以當小朋友好乖陪完父母行街，就獎勵下佢哋俾去公園玩啦~<

地點都好方便，位於尖東百週年紀念花園，港鐵尖東站P2出口旁，亦近麼地道公共運輸交匯處過條馬路就去到。

公園唔算好大，但都有足夠嘅活動空間俾小朋友跑跑跳跳。

滑梯都有兩組，一組比較矮身，另一組比較高而且係彎曲嘅。

樓梯、爬梯、攀架都有幾種唔同玩法。

仲有膠質嘅鼓。

玩到攰，可以喺旁邊嘅櫈到休息一下添。