今次小小豬應邀嚟到挪亞方舟參加聖誕限定嘅特別節目「童萌聖誕大派對」，有得玩依隻豬又點會唔興奮，所以佢心情完全係未出發先興奮呀~
想知更多親子好去處的資訊，請按 #聖誕好去處
更多文章：聖誕／除夕／元旦打卡必去 本地假日親子遊精選推介
更多文章：親身體驗人體消化大冒險！2米高屁股滑梯最後衝刺
更多文章：【聖誕2019】We Bare Bears 帶你一起遊昂坪360
今次嘅限定活動都有好多唔同遊戲，由室內玩到室外，小小豬見到介紹都已經非常心急，佢最...最期待就一定係飛天索道，不過....我地都慢慢跟住嚟玩啦！
第一站我地就去「童夢聖誕市集」，做一個小店主打理裝糖果店及爆谷店 (各小店需使用 2 張遊戲券)。
小小豬係細細個時都玩過一次自家爆谷，不過咁細個佢又點記得，所以今次佢都好期待（其實佢期待嘅係有得食...哈哈哈）。
簡簡單單幾個步驟，同小朋友齊齊合作，話咁快啲爆谷就出爐啦~
每位小朋友一人一杯爆谷，不過小小豬絕對唔係一個好店員，因為...佢不停係度偷食呀~
咁其實睇住佢新鮮熱辣辣出爐，唔止小小豬我地場內所有大小朋友都開心密密食呀~
之後小朋友們就轉戰糖果店，美期名就係幫我地家長準備糖果，但佢地一見到糖糖就失控了~
最後都係夾左一啲佢鐘意食嘅糖糖~
今次仲唔係又食又拎...小小豬又點會唔興奮呢~
之後我地就去「啤啤熊之友製作室」等小小豬自己親手整公仔，老實講依一個係我晒擔心嘅一環，因為依隻小小豬完全唔係細心之心，佢又粗粗魯魯咁，叫佢拎支針，真係完全想像唔到。
今次小小豬就揀左隻啡色熊BEAR BEAR~
入面棉花之後，就到最重要一環，先睇下姐姐示範~
估唔到小小豬又好似得得地哦，縫得到有板有眼~
最後仲幫BEAR BEAR著返件聖誕衫先~
依隻小小豬骨子裡原來都有溫柔一面，介紹返先依個BearBear名叫Happy Bear，係我個孫嚟呀~
下一個環節就係「STEAM極速賽道」，小朋友自己設計摸型車，之後係賽道上比賽~
係DADDY幫手之下，小小豬終於設計好佢嘅戰車完成，佢話有六個車輪一定會快啲哦，真係唔知佢啲咩理據，不過只要佢自己創作就好啦~
另一個遊戲就係「電流挑戰」，一向手眼唔多協調嘅小小豬玩到喊咁口...哈哈哈，不過好勝嘅佢好慢慢好專心咁完成，都俾個叻佢啦~
等左一個上午，終於嚟到小小豬最期待...最期待...最期待...嘅「空中奇遇索道」（需另收費30 元及身高需110cmcm以上）~
其實之前小小豬都玩同類活動，佢見到話今次依個賽道係比較高，所以都話有少少驚。不過，話驚話驚...但最後佢咪好ENJOY咁滑落去（大家記得CLICK入去睇短片呀）~
之後就去「激FUN天地」玩入面嘅三個遊戲（每個活動需使用2張遊戲券），小小豬就先扮隻小倉鼠去碌保齡~
充氣城堡彈來彈去大放電~
當然唔少得男孩子最鐘意嘅渣電動車啦~
玩到夠鐘我地就嚟「e-Planet 夢想星球」，其實之前都聽好多朋友講話入面好靚，所以我自己都好期待~
先嚟躍動之森，入面成個動物園咁，啲動物仲會一齊嚟互動，依個發傻嘅小小豬不停攪啲動物，真係俾佢笑C~
帶全立體眼鏡睇依個藍色奧秘，除左欣賞啲海洋生物游來游去之外，其實佢仲帶出一個主題，就係要愛護地球~
光影互動嘅千色四季，絕對係打卡之選。不過佢地兩父子一味玩互動，完全唔俾我慢慢咁影相呀...嗚嗚嗚~
最後嚟到未來城市，為自己揀嘅圖案塗上顏色~
最後就當然要嚟最新嘅「躍動天地」大放電，兩個新嘅巨型旋轉滑梯都已經夠小朋友大放電啦~
睇住小小豬左爬右爬，真係唔知佢啲精力點算仲可以有咁多呀~
More Information :
香港挪亞方舟「同萌聖誕大派對」
活動日期： 2019年12月7日至2020年1月1日（逢星期六、日及公眾假期）
開放時間：早上10時至晚上6時
活動詳情：http://www.noahsark.com.hk
入場費：成人$198 ，小童及長者$158 ，每張小童門票包含10張遊戲卷
