2018-11-24

1.7K

【聖誕旅遊熱選】大阪環球影城「天使的奇蹟」夢幻浪漫聖誕

聖誕長假部署同小朋友一齊出遊,好好感受聖誕氣氛,又唔諗住去太遠或者冰天雪地嘅地方,日本大阪環球影城係唔錯嘅選擇!

大阪環球影城有哈利波特禁同迷你兵團等專區,加上各樣機動遊戲,可以同小朋友渡過開心嘅時間。到咗晚上就更加精彩!以下就係必定不能錯過嘅環節:

觀看『天使的奇蹟Ⅲ~The Voice of an Angel~』

萬勿錯過呢個聖誕節現場表演,天使的奇蹟系列於 2008 年登場,今年將迎接大結局,成為最後一年嘅表演啦!

『天使的奇蹟Ⅲ~The Voice of an Angel~』講述小朋友遇見天使嘅故事,城堡上嘅美麗投影加上載歌載舞,好有夢幻嘉年華嘅感覺。順帶一提,現場有唔少觀眾,如果想更好咁觀賞表演,就要早少少去霸位。

講到夢幻聖誕節,點少得亮晶晶嘅聖誕樹?『天使的奇蹟Ⅲ~The Voice of an Angel~』表演完結後更會有煙花同點亮聖誕樹環節,現埸充滿歡笑聲同節日氣氛~

與『奇幻聖誕樹』合影

佢就係「奇幻聖誕樹」,真係隔住個Mon都覺得耀眼!

「奇幻聖誕樹」燈飾數量已連續幾年打破健力士世界紀錄,一年比一年增添燈飾,超越自己。

聖誕樹隨一段時間就會變色,不妨停留耐少少,影低唔同變化啦!

觀看『環球奇觀晚間巡遊~Best Of Hollywood~』

最後壓軸當然係晚間巡遊,想唔想像到電影人物活生生行出嚟嘅興奮!

係大黃峰啊!好有型,忍唔住「嘩」咗出聲。

Harry Potter有唔止一架花車,佢哋嘅華麗都令人深深折服~

來自侏羅紀嘅朋友們,其實我真係好驚佢會走埋嚟!

渡假風情嘅Millions~佢哋嘅花車最繽紛,應該好受小朋友歡迎啦。

唔劇透太多,保持新鮮感去睇更開心啊!睇完巡遊多數會意猶未盡,可以行吓商店選購紀念品,將呢份快樂帶埋返屋企!想知道點樣獲得優惠,睇埋:【聖誕旅遊熱選】大阪環球影城購物優惠、美食全攻略 啦!

特別鳴謝:KLOOK

Baby Kingdom讀者專屬KLOOK優惠代碼

【編按:以上內容為作者之個人意見及立場】

相關文章

緊貼新冠肺炎最新相關資訊