你以為這個是藝術館嗎? 文化中心嗎? 都錯…其實係澳門最新開放又好靚好靚的圖書館呀！
這個中央圖書館位於氹仔的中央公園，我哋由酒店搭的士到達，我哋見唔到圖書館的位置(甚至司機都話唔知)，跟住行入公園問吓人，原來個圖書館在地底架!
要去圖書館先要通過中央公園的兒童遊樂場！
未去圖書館先喺度放吓電先啦!
地方唔算好大，不過都夠玩! 反而個遊樂場太大會攪到唔捨得落去圖書館添～
由正門入去即見到係雜誌區，好多街坊都會落嚟睇吓雜誌打發時間!再行入去轉左就係兒童圖書館，有自動玻璃幕門隔開，始終有小朋友的地方都係會好嘈! 所以唔怕影響到其他讀者！
仲有個小型停車場俾小朋友泊低佢哋架單車或Scooter
入到去裡面又係另外一個小天地，呢度放咗成萬以上的兒童圖書，小朋友想睇咩就有咩! 最特別就係圖書館內有個樹屋喎! 家長可以同小朋友走入去來個親子閱讀～
對小朋友嚟講，可以行上行落出出入入已經好開心，所以佢哋願意快快睇完一本書，就可以又行出樹屋借過另一本書，再行番入去這個小小天地，不過難免有D小朋友會玩捉依因～～但係有兩個駐場職員姐姐喺度睇住秩序，所以都唔會驚有百厭小朋友聲浪太大～
呢個女睇哂呢一年既Quota
如果大家有機會去澳門玩，不妨去氹仔中央圖書館玩吓!
位於氹仔中央公園地庫，於2015年4月15日起以試運行形式對外開放，並於同年9月1日正式開幕。全層面積為2,200 平方米，是目前可供讀者使用空間最大的公共圖書館。館內採用大量的透光玻璃門窗作為分隔設計，大大提高了館內的自然採光度。
該館設置了四個主要區域，包括閱覽區、兒童圖書館、報刊閱覽區及多媒體視聽室，當中設置了兒童劇場、戶外花園、多功能室、育嬰室，以及設於公園層的自助還書服務站等。
館內提供閱覽座位約419個，藏書約70,965冊（包括兒童圖書約24,083冊）及8,302件的視聽資料，預計氹仔圖書館的最大館藏量可達150,000冊（件），提供各地報紙87種、期刊622種。
星期一14:00 - 20:30
星期二至星期日9:30 – 20:30
免費
查詢電話
+853 2884 3105, 2884 3172
(以上資料更新至文章當日)
