2018-05-07
2K
【限定免費活動】玩具反斗城STEAM。智趣反斗學園2018
玩具反斗城係我哋最鍾意去嘅地方，因為入面嘅玩具種類真係超多，又好好行！
最近，玩具反斗城嘅Education Month 智趣"反"斗學園正式開始咗啦~
而今年主題係以S.T.E.A.M.教育玩具做主題，S.T.E.A.M.又係啲咩嚟呢?
STEAM教育就係集科學 (Science)、技術 (Technology)、工程 (Engineering)、藝術(Art)及數學 (Mathematics) 嘅多學科融合出嚟嘅綜合教育。
詳細解釋：
https://kknews.cc/zh-hk/education/4m5yq9q.html
事不宜遲，馬上分享當日嘅實況>>
S.T.E.A.M.教育玩具，五個重點遊戲攤位。
成功完成五項遊戲，仲可獲獎狀及精美禮物一份。
記得拎住遊戲紙，完成遊戲問工作人員領取貼紙貼上去呀。
S for Science - 與科學有關的玩具「基因解密，恐龍實境」。和牛B化身為小小考古學家，利用工具於紅色磚到進行挖掘。超專心嘅和牛B，到底會掘到啲咩呢?
原來係掘到恐龍骨呀!! 然後依照說明書，將恐龍骨砌返佢個原形出嚟。
成隻恐龍活形活現呀!!
邊個話，女仔唔玩恐龍o架?
T for Technology - 與技術相關連嘅教育玩具，就係呢一塊「boogie board」嘅兒童神奇液晶體畫板。用專用畫筆於畫板上面繪畫，顏色仲係幻彩色。真係好靚呀，而且仲配備字母卡、圖畫卡可以讓幼兒/ 兒童學習寫字或繪畫。重點，液晶體畫板紀不傷眼!
E for Engineering - 與工程有關的遊戲，利用配件讓整組玩具能夠拉動乘載位，呢個遊戲絕對有助小朋友思考。
A for Art - 藝術方面嘅遊戲，有請Hello Kitty積木系列，七彩繽紛嘅積木。配上創意，可以砌出小朋友嘅幻想世界。
M for Mathematics - 數學同英文一樣，要由細打好基礎確係鐵一般嘅事實。
配對遊戲卡以砌圖方式設計，可以訓練小朋友之餘仲可以學埋數學，真係唔錯嘅教育玩具。
話咁快，就玩完咗5個遊戲攤位，貼齊晒5張貼紙，就可以去換禮物同埋拎獎狀啦~
我哋畢業啦~
活動日期：4月21、22、28及29，5月1、5、6、12、13、19及20
(逢星期六、日及公眾假期)
活動時間：2 - 6 pm
活動地點：玩具反斗城 - 尖沙咀海運大廈/ Mega Box/ 黃埔花園
