2015-03-07
10K
【飲食情報】759車仔麵 @ 元朗合益中心
759阿信屋俾我感覺係梗有一間在你左近，單在元朗已經有五、六間分店，得知元朗開咗759車仔麵，所以星期二上昕昕完Playgroup的午餐時間就去了。
入到裡面覺得地方都算寬敞，照明充足。
店中亦有展示不同會員卡的款式。
營業時間都算正路，不過就少了宵夜的客路。
至於款式選擇都算不少，價錢中等，但唔算抵。
昕昕就期待午餐的來臨。
昕昕主要食腸仔和河粉，最搞笑係佢以為河粉係烏冬。
而我就覺得份量係多過永年士多，但質素較永年遜色，眾所周知元朗最出名的車仔麵就是位於元朗商會中學附近的永年士多，三餸麵只需$29，雖然舖位細，但經常多人排隊。
759車仔麵的元朗店在年三十開張，但由於位置不算方便，附近只有一間小學，如果走多幾百米到雞地開店的話，客源會比較多，始終平日有3間中學和1間小學的學生，而假日也可以多一班YOHO的住客光顧，不過我的建議係價錢最好下調到$25可以食到三餸麵，始終元朗有太多平靚正的美食，我曾經在元朗幫襯最平的三餸麵不需$20。
759一向以平、抵自居，但開食店就唔夠抵，這樣只會讓人比下去。
【編按：以上內容為作者之個人意見及立場】
