2018-12-05

1.5K

【黃色聖誕節】大阪環球影城Minions主題園區 必食必買之選

紅色、白色聖誕就聽得多,黃色聖誕節真係第一次聽!大阪環球影城Minions主題園區就以「黃色聖誕節」為主題,連工作人員都著黃色聖誕裝、戴黃色聖誕帽!咁可愛嘅氣氛,一定吸引唔少大人小朋友嚟到歡度聖誕佳節。

相片提供:日本環球影城

打卡之選:聖誕主題園區

園區有唔少聖誕主題裝飾,Minions都換晒聖誕造型。Stuart好似冇咩心機咁喎,做咩事有雪條食都唔開心啊~

馴鹿Dave就開心好多啦~紅白頸巾好啱feel啊!

主題園區入面可以見到唔少cosplay Minions嘅小朋友,雖然啲bb喊到好慘慘豬,但真係好可愛,融化啦~~

抬頭睇,周圍都係Minions啊~

必買之選:Minions聖誕限定爆谷桶

入USJ買爆谷邊行邊食都好Chill下架,買返個聖誕限定爆谷桶,帶返去又可以留念又可以擺嘢~見到呢架爆谷車,就可以喺入面搵到限定爆谷桶啦。值得一提嘅係,爆谷係香蕉味,幾特別!

就係佢啦!啊Bob騎住新朋友獨角獸Fluffy去玩啦~真係好得意。

小朋友孭喺身上size啱啱好,食晒爆谷後可以當手袋用,哈哈!

必食之選:Minions & Fluffy 精美小食

主題園區裡面有好多睇得又好味嘅甜品小食,等我哋逐一睇下啦!

呢杯Fluffy特飲,上面係忌廉加彩虹糖,下面係熱朱古力。鐘意甜品嘅姊妹,肯定會愛不釋手!

大大粒Minions馬卡龍,驚喜地唔係太甜!

裡面係士多啤梨餡~

仲有Minions忌廉湯風味軟包同三色朱古力丸子~

獨角獸Fluffy夢幻吉拿棒,好靚好少女系~

香蕉泡芙,香蕉味好濃香,值得一試啊!

配埋杯熱朱古力!

特別鳴謝:KLOOK

Baby Kingdom讀者專屬KLOOK優惠代碼

Despicable Me, Minion Made and all related marks and characters are trademarks and copyrights of Universal Studios.

Licensed by Universal Studios Licensing LLC. All Rights Reserved.

【編按:以上內容為作者之個人意見及立場】

相關文章

【早產兒小秋彥】秋彥連續四日有尿仔 爸媽:謝謝大家繼續祈禱念經

【秋系換裝】啞緻的NARS柔霧完美粉底液!打造天鵝絨霧面妝感

【內有不良坐姿示範】設計師發明「矯正坐姿椅」 學生單膝下跪上堂?

【子女教育】國際學校點揀好?幾歲入讀先最好?一文解答所有問題

緊貼新冠肺炎最新相關資訊