有人話為人父母係第二次成長，可以同小朋友一齊經歷唔同事，再次用童心角度睇呢個世界。聖誕節當然想好好感受魔法氣氛，過一個與別不同嘅節日！
相片提供：日本環球影城
不能錯過！霍格華茲魔法之夜
去到大阪環球影城，無論打算花幾多時間逗留喺Harry Potter園區，都推薦大家夜晚過去睇霍格華茲魔法之夜！日光下嘅霍格華茲城堡氣勢磅礡，夜晚3D投影之下，更展現出華麗而夢幻嘅感覺。
跟隨住霍格華茲學生嘅歷險之旅，城堡上配合故事情節光影變化不斷。
氣氛濃厚！感受浪漫白色聖誕
日頭過嚟別有一番風味，英倫建築物加上屋頂白茫茫嘅積雪，喺亞洲地區過白色聖誕都唔係冇可能架～
魔法體驗！用魔杖及咒語操縱聖誕樹
活米聖誕樹附近點解排咗一條人龍嘅～原來係魔杖奇幻嘅環節！小朋友（其實大朋友都可以）學識咒語同揮動魔杖嘅方式，聖誕樹就會跟住你嘅魔法作出改變！想知道「LOCOMOTOR」同「LUMOS」呢兩句咒語有咩作用？咁就要去到感受吓啦～
Harry Potter聖誕盛宴
嚟到一日遊玩嘅最後，可以去餐廳食個聖誕大餐，營造節日氣氛～有兩隻原隻火雞、香腸、薯仔、牛油青豆同蔬菜。餐廳都有得飲牛油啤酒架，一邊行一邊飲同食飯時飲，有唔同風味架！
四個人食每人百幾蚊，性價比都幾高！
特別鳴謝：KLOOK
HARRY POTTER characters, names and related indicia are © & ™ Warner Bros. Entertainment Inc. J.K. ROWLING`S
WIZARDING WORLD™ J.K. Rowling and Warner Bros. Entertainment Inc. Publishing Rights © JKR. (s18)
