2018-09-27

738

媽媽ME TIME鬆一鬆。澳門。自製正宗葡撻(含食譜)+漫遊式VR新體驗

講到明今次澳門之旅係「拋夫棄女」遊,
小JM媽自自然然會多咗時間做自己想做嘅嘢。
今次嘅澳門之旅除咗食食食同食之外,其實我仲有新體驗架!

小JM媽今次最大得著可以話係跟大廚學咗點整正宗嘅葡國蛋撻,
唔單止咁,我亦去玩咗新開幕無耐嘅VR體驗館添!
而講到最震撼就緊係近距離觀賞煙花啦!

事不宜遲,等小JM媽話俾大家知正宗嘅葡國蛋撻到底係點整架啦!

由甜品主廚親身教授!

正宗葡國蛋撻
材料:
蛋黃     三隻
牛奶     250ml
砂糖     150g

粟米粉    10g
檸檬皮    適量
肉桂棒    適量

現成酥皮

做法:
1.) 先將牛奶加加熱,並加入檸檬皮及肉桂棒
2.) 將雞蛋嘅蛋白及蛋黃分開
蛋黃打勻,備用
3.) 蛋黃打勻後,加入糖及粟米粉,並加以攪拌
4.) 加入已預熱嘅牛奶打勻,備用
5.) 取出現成酥皮並切成小塊
6.) 將現成酥皮塊放於蛋撻模中,並輕力按開成蛋撻皮,備用
7.) 將已混合嘅蛋漿加入蛋撻皮

8.) 先以250度預熱焗爐,再將葡撻放入焗25分鐘,即成

小提示:
師父話整蛋撻皮嘅時候要小心注意底部,避免過份按壓變得太薄,會穿底架!
加入蛋漿之後記得要,除去多餘泡泡,咁樣表面先唔會有孔喔!
師父話焗完之後要攤一陣先可以甩模,靚嘅葡撻係唔駛工具整都可以甩到模架!

跟完甜品師父學整葡撻,就緊係唔少得品嘗返自己嘅成品啦!

師父仲話食葡撻要配甜酒先係一流享受!
你又受唔受先?

整完一輪嘢食就緊係唔少得要去玩啦!

嗱!小JM媽都算係入得廚房兼且又玩得之人來架嘛,

難得「放假」就緊係要試埋而家最新最潮嘅漫遊式VR遊戲體驗啦!

ZERO LATENCY係剛剛六月先正式開幕,所以上次來嘅時候仲未有機會可以玩到,
今次終於都得賞所願啦!

^新式VR裝備

ZERO LATENCY係全球首創漫遊式嘅VR遊戲,可以俾玩者自由行走而不受限制,絕對有別於一般傳統頭盔綁繩式嘅體驗。而且更可以俾多達8位嘅玩者一齊參與一齊玩添架。

淨睇呢張相可能你唔知佢地做緊咩,
或者睇埋下張控制中心嘅畫面,你就會知道佢地點解好似咁緊啦!

無錯呀!佢地就係去咗打喪屍呀!
逼真程度令人有點喘不過氣,大家都好緊張添!
不過係控制中心嘅我地就覺得好有趣,好好笑!

其實係遊戲前大家都要聽咗講解先架,以策安全呀嘛!

^工作人員介會教埋你點用槍,同點上彈架!

完晒成個遊戲之後仲可以係外面嘅大熒幕睇到自己嘅積分紀錄添架!

其實呢度除咗有打喪屍遊戲 (Zombie Survival) 之外,仲有另外兩款遊戲嘅,分別係:Engineerium (團體解謎) 及Singularity(太空射擊)。

ZERO LATENCY
地址:澳門路氹城澳門百老匯綜合渡假城E1010鋪
收費:每節45分鐘,每人每節澳門幣400 (原價澳門幣450 )
包括15分鐘講解+30分鐘遊戲時間

【編按:以上內容為作者之個人意見及立場】

相關文章

緊貼新冠肺炎最新相關資訊