成個冬季見到唔少朋友去摘，其實包媽都未去過一直想試，要搵個近近地嘅 親子農莊，又要就天氣又要就包包午睡，早2日終於成行！
新界西有大量農莊，呢次去咗錦上路附近嘅一個，十幾萬呎田地！
有日本韓國等唔同品種，全部都係$120磅，重點：#免費入場！摘幾多磅幾多照畀錢，本身有點少潔癖嘅包爸，都擔心玩到好污糟，但農地其實好整潔，只有少量水漬避開唔踩就ok，入場同職員拎籃同較剪，就可以Go Go Go！
包包自告奮勇拎住籃仔，行入田相當好奇，畀個小任務佢幫手，搵又紅又大粒嘅
手指指「呢個」「呢個」，（有無大粒啲？）「呢個剪」，果然讀萬卷書不如行萬里路，返到嚟包包仲成日講士多啤梨，兩大一細玩咗個幾鐘，粒粒都係阿仔精心挑選，埋單都係80蚊咋！
更多文章：【包媽孕記】Coffee幫囝囝戒奶好殘忍？請尊重媽媽們每個決定
磅完可以即場食或拎返屋企，問過職員今年熱得快，應該摘埋呢一兩星期就無㗎啦，想去嘅朋友仔要快啲起行!
有機士多啤梨園
地址：新界錦田水尾村230號
交通：錦上路西鐵站D出口，搭601綠色專線小巴，喺「錦田鄉村俱樂部」落車
電話：5132 5131
