香港唯一LEGO認證大師洪子健：唔望囡囡接班，自由發展就得

LEGO好多人都玩，但玩得精到成為樂高專業認證的LEGO®大師，全球就只得14人，而香港剛好也有一位！洪子健(Anyd)由母親送給他的一盒LEGO開始愛上這充滿創意的世界，如今他時常穿梭中港，以LEGO砌出一座又一座叫人讚嘆的大型模型。

在Andy的潛移默化下，兩個女兒Xyza (7歲)和Yza (4歲)也逐漸愛上LEGO。他指自己並無刻意安排女兒玩些甚麼，只是她們見他常常與LEGO為伴，有時假日又會跟爸爸回公司，他工作女兒玩LEGO，二人自然而然就喜歡了這玩意。

現時細女Yza已由大粒LEGO慢慢轉玩較細小的LEGO，而大女Xyza就會模仿不同物品自行創作。身為大師級人馬，Andy可有從旁協助？「我多數畀佢地自由發揮，有困難時才協助。」

模仿、拆毁再創造

「大女鍾意車仔，會買box set (盒裝套裝)跟說明書砌，不過砌完之後我都鼓勵佢拆散再改裝，或重新組合零件砌出新模型。慢慢會希望佢不需要跟說明書砌，而是學了說明書上的技巧，靈活運用變化，甚至可以混合其他box set的配件，砌出心目中的模樣。」

小朋友創意無限，Andy就非常欣賞Xyza識得用LEGO來模仿生活中的事物，砌出熨斗模型、電話模型，「砌LEGO的過程除了啟發創意，小朋友也可以透過LEGO表達到最近吸收的事物，幫到家長留意她們接收了甚麼資訊。」

家有LEGO®大師爸爸，兩個女兒都會想學爸爸砌些精緻模型，Andy有時間而女兒又想學時，他會拆開已砌好的模型讓女兒了解如何砌成。至於是否會栽培女兒繼承LEGO®大師之位？Andy就話等囡囡自由發展，無論她們將來做咩都好，最緊要小朋友自己鍾意！

近期LEGO®推出的4 款香港限定版地標，包括尖沙咀的鐘樓、大埔鐵路博物館、上環西港城及中環前立法會大樓，全由Andy設計。Andy指4個地標分佈在香港九龍新界，均是歷史建築，可反映當地文化，有親切感和代表性。4 款珍藏像真度極高，各款限量推出1,000 套。

相關閱讀：

【親子遊】太古城樂高城市大型遊樂場 瘋狂砌LEGO！