2019-08-19

1.1K

【學童營養】「在校免費午膳計劃」助減輕基層家庭經濟壓力!

距離開學仲有兩星期,所需要嘅文具、校服、書簿等,理應一切準備就緒,但對於一眾低收入家庭而言,可能仍然煩惱緊:點樣準備 ?日常生活諗盡辦法慳啲洗,都要全力支持子女學習費用,目的都係想佢哋「讀好啲書」;即使書簿、校服可以買二手,或者得到津貼資助,開學後嘅學校午膳飯盒卻無可避免,點都無得慳!

 

更多文章:【學童營養】飯盒夠營養嗎?不得不知孩子便當盒不可缺少的營養

曾經有調查指出,近兩成受訪低收入家庭嘅小朋友因為貧窮,直接或間接地引致小朋友因膳食同營養攝取不足引申的問題,甚至要食少餐或捱餓。小學生身體正值成長黃金時期,食得飽、食得均衡係何其重要嘅事情!飲食均衡,吸收足夠營養,除咗補充體力,更重要係身體可以健康地發育。

雖然學校對於家長「送飯」的選擇是開放性態度,但要家長為子女自備健康飯盒的同時,又要顧及營養,確實有難度。大部份低收入家庭嘅家長為咗生計,早出晚歸,平日都要工作,準備飯盒的時間相對較短;言下之意,選擇由學校午膳供應商提供嘅學校飯盒,雖是一種經濟負擔,但仍要接受。

更多文章:【學童營養】西式快餐=唔健康?一文教你準備健康西式午餐及小食

「在校免費午膳計劃」

政府有見及此,為減輕清貧家庭嘅經濟壓力,於2014至2015學年起,推行「在校免費午膳計劃」,並將之成為恆常資助計劃之一,目的除了為合資格低收入家庭嘅小朋友提供在校免費午膳,令學生在校期間能夠獲得營養較均衡同份量充足嘅學校飯盒。

全港所有官立、資助(包括特殊學校)、直資嘅全日制小學皆可參與「在校免費午膳計劃」,而成功申請嘅小學需要喺每個學年向家長發出通告,並邀請參與。而款項會以實報實銷形式,由教育局直接發放畀參加咗計劃嘅學校,由學校代合資格嘅小一至小六學生,向午膳供應商繳付相關費用。

更多文章:【學童營養】8款適合帶回校的兒童健康小食(內附詳細列表)

參與資格及家長申請需知

參與「在校免費午膳計劃」嘅學生需要符合以下三個資格:


  1. 就讀官立、資助(包括特殊學校)、直資全日制小學;

  2. 領取學生資助計劃「全額津貼」;

  3. 由就讀嘅學校安排午膳


而家長喺向學校提交申請時,需要提供由學生資助處發出嘅「資格評估申請結果通知書」或「資格證明書」,以證明其子女獲學生資助計劃嘅 「全額津貼」資格,並填妥通告回條同意由學校安排午膳。

按入了解「在校免費午膳計劃」常見問題

均衡同充足嘅膳食係發展出健康身體嘅基礎,同時培養小朋友良好飲食習慣!子女食飽有氣力,腦部得到足夠養分,更能集中於學習,讀書容易入腦,學習成效得以提升!

更多文章:【學童營養】學校小食部有乜食?零食都要食得有營!


相關文章

【學習進度】半日制學習對孩子身心發展更理想?

【學童營養】五款精緻美、日、本地款式環保飯盒推薦

緊貼新冠肺炎最新相關資訊