LuLu識爬識走，自然就開始四圍搞搞震。最怕係佢做危險動作打爛野、玩電制，又怕佢成日將啲污糟野放入口。Lu爸就成日要睇到實，對LuLu Say No，叫佢唔好搞呢樣，唔好搞果樣。
同上一輩人討論通常都會話：＂你地以前細一兩歲個邊有禁曳，只會坐係度成隻蕃薯禁！＂Lu爸聽完暗自埋怨湊仔好辛苦外，偶然引起一個角色代入的小幻想：
當我自己就係LuLu，由剛出世到一歲開始發現可以控制到自己身體爬同行，嘩！簡直開心到震，起碼唔駛再成日訓係度，同埋比d三唔識七的uncle auntie錫我面珠。見到有得爬就爬，乜都想玩想摸，好想四圍睇下。＂危險？＂乜來㗎？食得㗎？但Lu爸成日同我講＂No，唔好！＂，都唔明做乜成日阻住晒！
有時Lu爸自己也反思一下，為了自己可以舒服地湊仔，會否阻礙LuLu的創意同好奇心（當然在安全情況下）。當坐在會議室裏，人人一起指定笑，一起官式拍手，每問到有冇人有問題，總冇人舉手提問。我發現自己連BB的精神也沒有，只是一條大蕃薯！
