面對復課在即，家長們最擔心必定係學校嘅環境衛生問題，而且老師亦無可能監視所有小朋友嘅一舉一動，可以話危機處處。不過淨喺擔心都唔係辦法，不如係開學前，同小朋友一齊準備復課抗疫包啦！
7大抗疫包物品
-酒精搓手液
-消毒濕紙巾
-包裝紙巾
-後備外科口罩1 – 2 個
-存放口罩密實袋／盒
-保護眼罩
-即棄手套
更多文章：小學生壓力過大 容易導致專注力不足！
為免以上物品散落書包每個角落，令小朋友難以尋找或者遺失，建議可用密實袋／布袋裝起。準備呢個復課抗疫包總係多好過少，始終小朋友仲細，好容易唔見嘢，某啲物品準備多一兩個作後備，有備無患吖嘛。例如小朋友唔見咗、或者用晒酒精搓手液，可以有消毒濕紙巾代替；跌咗個口罩，防疫包仲有後備可以替換。
更多文章：小朋友太心急！見到鍾意嘅嘢食就搶嚟食...用呢3招培養小朋友耐性！
經過呢場疫情，其實小朋友對於抗疫包內容並唔陌生，可以話係見慣用熟。 反而久違嘅復課，卻係小朋友心目中嘅新鮮事。有可能返到學校太開心，將好多抗疫習慣都拋諸腦後，健康就再次受到挑戰。所以家長們不妨係呢段時間，係屋企同小朋友做「模擬開學情境」訓練，幫手調整復課心態。
洗手
再次與小朋友重温正確洗手方法，以及洗手嘅時機，例如落堂後，食嘢前、去完廁所、打完噴嚏等等，都需要去清潔雙手。
不與同學共用食物及飲品
為避免互相傳染，要避免與其他同學共用食物。
不觸碰眼、口、鼻
同抗疫期間一樣，未洗乾淨嘅手可以帶有細菌，可以經由眼、口、鼻傳染，叮囑小朋友要忍手，以免感染細菌或病毒。
口罩不亂放
戴過的口罩用收納袋好好包起，或用衛生紙包住收好，以免沾上細菌或傳播細菌。
保持安全距離
與同學仔咁耐無見，復課後少不免會好興奮，提醒小朋友與同學玩耍聊天時，要時刻戴上口罩，而且盡量保持安全距離。
