依家一罩難求，每日都出現商店有口罩賣，市民大排長龍嘅情況出現，甚至有話凌晨去排隊都買唔到！屋企真係唔夠口罩，點算好呢？早前就有人提出以100度水溫翻蒸去消毒口罩，以便重用口罩，但原來咁做係錯哂！
現時常用嘅口罩，藍色綠色果啲，都係屬於外科口罩，而當中有過濾層，過濾層一旦遭到高溫破壞，防菌效果就會消失，所以外科口罩用後必須丟棄。
更多文章：【護膚診症室】過度使用酒精搓手液 隨時會變主婦手！？
如果真係無口罩，就要學識點樣避免受到感染啦！首先唔好去人多密集嘅地方，同其他人相隔 1 至 2米嘅距離，小心唔好俾咳嗽嘅人噴中，因為病毒飛唔到咁遠，好快就跌落地下，所以保持呢個距離就基本上安全。
另外，要勤洗手同清潔，因為病毒有個脂肪膜包住，用洗手液同洗潔精等可以破壞個病毒，令佢失去傳染力，切記接觸眼、鼻、口前，記得要先洗手呀！
