各位身材嬌小嘅女仔，係咪一直為打扮而苦惱呢？ 以為自己只可以着童裝？又或者局限係細細件背心短褲？其實又未必！一齊嚟睇吓日本幾位身材矮小嘅時尚達人，如何利用襯搭術去「拉長」身高。
運用高腰設計嘅連身裙，營造完美比例
以往好多人話嬌小嘅女仔，係唔適合着長身連身裙，俾人覺得係小朋友著大人衫。其實只要配搭得宜就可以避開呢一個地雷單品。既然冇身高，咁就用比例嚟作掩眼法，而且要挑選直條花紋或直線皺褶，非常鮮明咁將視覺效果拉長，就會睇落更修長。
更多文章：日系媽媽的時裝魔法 GU Uniqlo 輕便搭配襯出模特兒身高
細細粒女仔必備單品一定係高腰褲！
運用高腰褲高身嘅元素，營造一個長腿嘅感覺。將上身衫攝入高腰褲，然後帶出三七嘅完美比例，記得「腰線越高越好＋褲長度越長越好」呢個祕方！而且設計要簡潔，中間唔會有破爛或者印花圖案去阻隔視覺拉長嘅效果。
巧妙利用長身衫線條 帶出修長視覺
細細粒女仔嘅衣櫃裡面，一定要必備延伸感覺嘅服飾。可謂延伸感呢？ 就係無論長褲、長裙、連身衫全部都係長身設計。挑選輕身質料去加強垂墜感，呢種布料就可以輕鬆拉長整體嘅效果。加上配搭闊身褲，可以係裡面襯一對高踭鞋，令整體造型更俐落！
不要讓髮型破壞整體比例
其實髮型亦係拉長身高嘅一個必殺技！短髮嘅造型唔會令到上身過重，乾淨俐落嘅嘅髮型可以避免上重下輕呢個壓小身型效果。亦都唔會搶走整體襯搭嘅比例。各位可以好好運用包子頭、紮一個整齊嘅低馬尾，去令造型加分！
更多文章：留家抗疫齊來動手做Gel甲！小編精選12款入門版款式
露出鎖骨頸部線條 讓上身比例更有味道
喺襯搭方面，盡量挑選可以露出鎖骨或者頸嘅上身衫。高領嘅衣物容易令到整體比例睇落比較矮。 露出鎖骨同頸部線條，除咗上身比例睇落更修長，亦有一種成熟性感嘅感覺，可以擺脫細細粒＝童裝呢個固有感覺。
