想由小矮人變成標準模特兒高型，其實又唔一定要靠角度同照騙，只要識著衫，配合簡單搭配，就可以營造既高佻又唔笨重嘅效果！今次小編要介紹嘅呢位日系媽媽Maki身高164cm，但就憑佢精堪嘅穿搭術，襯出不一樣嘅造型，而且Maki嘅搭配組合主攻大眾化嘅輕便時裝，好似GU、Uniqlo呢啲都係輕易入手嘅品牌，依家就一齊嚟睇下佢嘅穿搭魔法啦！
更多文章：【孕裝2020】日系媽媽推介！UNIQLO GU入手 讓人眼前一亮的孕婦裝
高腰褲
高腰褲嘅搭配係顯高嘅一大發明，除咗可以每雙腿望落長一截之後，配襯埋薄薄嘅外搭襯腰，仲可以輕輕掩蓋腰間可能唔太滿意嘅部分，顯高又顯瘦！
另外，喺穿著高腰褲配搭嘅時候，將上衣攝入褲內，無疑可以令高腰效果更突出，之不過偶爾將上衣放出，亦有另一感覺，大家都不妨試試！
更多文章：【日系孕裝】 夏日孕婦裝推介！A–Line著法完美修飾身型
連身裙
單色嘅連身裙比人乾淨利落嘅感覺，係唔少搭配時候嘅好選擇，但喺顯高作為大前題嘅造型上，A-Line 剪裁就更加可以突顯視覺感官，而且絕對係遮掩腰間肥肉好拍擋！至於碎花或者花紋類嘅連身裙，小編就建議都係試上身睇睇效果先再決定喇！
平底鞋
唔好以為顯高就一定要著高踭鞋，其實平底鞋一樣可以襯出高佻感，皆因露出腳背款式嘅平底鞋，可以令造型騰出空間感，令整體略帶拉長嘅感覺，最重要嘅係唔好自曝其短，又咁高著咁高，咁樣唔係太矮都將注視點放晒喺你對鞋度啦！
