「養兒一百歲，長憂九十九」，從子女呱呱落地的那天起，父母就傾盡心思在他們身上，關係密不可分，但當子女逐漸長大踏入青春期，開始有主見，想建立自己的生活，不再依賴父母，這個時期有很多父母都不習慣從前手抱的寶寶不再受自己的呵護備至或控制，甚至反過來逆對方的意思。日前一位港媽在網上討論區大吐苦水，分享兩個兒子由小到大算乖巧，願意去補習又會做家務，但感覺越大越不聽話，「我開始覺得心累，想佢地快啲18歲搵野做，唔想管佢地」。
一位育有兩個兒子的港媽日前在親子王國討論區以「細時唔想佢大得咁快，呢個時間想佢快d大個 ...」為題發文，分享兒子從到大都是乖巧聽話的類型，即使踏入青春期都不算太反叛，「至少都仲肯補習，食飯前叫人，出街拖住父母，幫手買餸拎重野，做家務」，但港媽仍然不習慣與長大後的兒子相處，認為始終不像從前小時候般聽教聽話，並舉出幾個例子，如每次只做得8成家務、對父母有時會態度差、叮囑不要做的事情都會照做，「例如飲涷野，唔好食呢樣就話想食照食，好多好多野」，港媽回想從前兩位兒子仍是初生嬰時十分聽話，覺得跟現在很大對比，「bb時唔會喊，唔會扭計，而家大個唔聽話，所以我先覺得好難受，但有時個心真係好痛好攰」，事主十分氣餒並直言覺得心累，不想再多管，「想佢地快啲18歲搵野做，唔想管佢地」。
帖文引起熱議，有同為父母的網友留言表示共鳴，指自己同樣懷念子女小時候聽教聽話的時期，「我唔捨得佢大，又想佢可以獨立，好矛盾。」，「我囝14歲話唔聽，唔做家務，讀書唔肯溫，態度仲差過無人有。青春期有時真係想佢變返BB,嗰時係辛苦但好開心」。
而大部分網民則認為事主要求太高，指對方兒子已經不算難教，孩子長大開始有自己的主見是正常不過的事，「唔好話十幾歲，我仔10歲，有時叫佢唔好既野都會做。如果只係少事就算啦！始終佢地係個體，都有自己意見。」、「已經好好, 咪咁鬼高要求, 飲食嘅野有乜咁大不了!!!事實佢地都要長大,都要有主見, 唔會下下聽你講!」。
亦有網民認為勸事主要看開一點，做人父母在適當的時候要學懂放手，「佢辛苦咪有得佢受下，唔好管佢，有時你愈唔俾佢做佢愈要同你作對。」、其實你寫嘅就咁睇都係d小事，咁個仔開始大就一定會無咁聽家長講，仲會愈黎愈有自己主意tim，飲凍野呢d有邊個少年唔鍾意呀？放開個懷抱睇開d，你都話佢仲算乖，就唔好著眼係呢d地方！」
另外有人提示事主要調整心態，接受子女長大後會有自己的另一片天空，不要逼子女太緊，以免影響親子關係，「其實你兩個仔咁乖你仲咁講嘢，你啲仔心累多啲，控制慾好強嘅家長放鬆下～等雙方都有啲空間會好啲！雖然好多時家長出發點係想個仔好，但有時佢大，自主性會開始加強，家長都要學識慢慢放手！」、「你連咁小事都要管，過多一兩年可能關係會愈黎愈差，到時你仲更加覺得慘！」。
