受到新冠肺炎影響，全港學生繼續齊齊停課，個年假一放就放咗差不多3個月，望住啱啱入讀K1嘅仔仔日日「游手好閒」，但自己又分身不暇教佢讀書，都真係束手無策，最重要係家長根本唔識分佢係咪趕得上進度，到底佢呢個年紀要學咩先係正常？
更多文章：【停課不停學】邊玩邊學！JM分享5類在家玩的親子玩具
從幼稚園面試改為拍片進行，老師們就變晒KOL，要拍片教書，其實作為家長嘅你，又希望學校有咩安排呢？有JM就提出疑問：如果你小朋友係 小四至小六，你想學校？
1. 乜都冇安排，學生繼續開心停課。
2. 網上發佈教學短片教新課程，學生睇完自學做功課。
3. 半天實時視像教學，教新課程，另外半天學生自行閱讀及做功課。
4. 全天實時視像教學，教新課程， 跟足正常上課時間表， 下課後再做功課。
而大部份JM都覺得方案2比較方便安排，因為網上教學始終有局限，一個家庭未必每個成員都有自己電腦，若然父母要在家工作，小朋友又要實時視像教學，似乎會出現爭電腦情況！
更多文章：單靠在家學習行唔通！全民留班先追得返？網友：學費邊個比？
有網友就話除咗老師可以拍片之外，其實唔太建議教新嘢，因為自學真係好難評定標準，特別係更高年級嘅學生，所以停課期間，最好都係做翻啲基礎練習；若然想吸收新知識，其實各位學生哥可以考慮下睇多啲課外書，又或者喺屋企學下煮飯仔、幫手做家務等等，學習更多同自理能力相關嘅小技巧！
不如一齊入嚟討論下： 停課期間，你想學校點安排？
