3月23日起為一年一度的印尼「齋戒月」，不少外傭姐姐都會這段期間進行禁食，作為僱主，在沒有影響工作表現的情況下，應該要尊重姐姐的宗教習俗。有港媽在社交媒體發文，指家中印傭近日做事多甩漏又善忘，甚至忘記帶小朋友上興趣班，令她十分無奈，有網民指或者是因為齋戒禁食導致，建議港媽多關心姐姐了解原因。
該名港媽日前在Facebook群組「表揚好姐姐開心分享區」發文，指家中印傭平日好醒目，自動自覺做事，彼此關係良好，但最近發現姐姐做事多甩漏，例如上星期忘記帶小朋友去學畫畫、把小朋友學跆拳道的護具袋遺漏在的士等，令她十分無奈，「係咪應該提醒吓佢？」
《爸媽不在家》劇照
帖文引起網民熱議，不少人建議港媽關心姐姐了解是否有困難或心事，「可能她家中有事，關心吓睇吓幫唔幫到手」、「你可以關心下佢係咪發生咗啲事影響到佢，我姐姐之前又係咁，心不在焉，原來佢屋企人病重，一直都擔心，影響咗表現。」；亦有網民指近日適逢「齋戒月」開始，可能都會有影響，「我試過印姐姐齋戒月會餓到有啲甩漏⋯唯有提醒佢真係唔舒服記得出聲，唔好死頂⋯ 尤其當要負責帶小朋友外出嘅時候！」、「怪不得，我果個都係齋戒中，都係有啲甩漏」。
