婆媳不和是自古以來都難以解決的難題，大至孩子教育問題，小至食飯問題都可以發生矛盾。有人妻在網上發文，指近期奶奶到家中暫住，但奶奶卻對其廚藝諸多嫌棄，令她不禁大呻「仲辛苦過返工！」
該名人妻在親子王國討論區以「99嫌我唔識煮嘢食」為題發文，指自己平時和老公在家吃飯都是以簡單為主，有時為節省時間，更會直接「叮野食就算」。但至從奶奶來她家暫住一個月，吃飯就變得不再簡單，放工要馬上趕去買餸煮飯，第二天早上又要早起製作早餐，儘管她已十分努力，但仍被奶奶嫌棄她不懂烹飪，令她不禁大呻「每日諗整咩仲辛苦過返工.....」
帖文引起網民熱議，不少人認為人妻可以不用煮飯給奶奶，可以叫外賣，「做咩要服侍佢? 又唔係同佢住(我意思係間屋唔係佢，間屋係佢比你地住另計)，又唔係要等佢比錢你洗」、「千祈唔好就佢地，依家年代唔同，啲男人未必鍾意老婆煮飯，要煮叫老公、奶奶煮飽佢」、「煮同唔煮都唔滿意的話，梗係唔煮啦」、「老實講，放工番黎都已經好攰。如果收7-8點根本無可能煮到野食。」
