不少父母年老時都會提早立「平安紙」，預先安排好財產分配，避免待自己百年歸老後，子女因遺產而反目。一名外嫁女表示，近日得悉父母早已立定遺囑，將所有財產留給兄長，令自覺一直以來對家庭付出更多的她，感到十分傷心。
一名網民早前（20日）在《親子王國》以「外嫁女冇遺產分正常嗎？」為題發文，指身邊一名已婚女友人，本身有物業，父母健在及有一名未婚哥哥，三人現時同住於兩老早年購入的居屋，水電煤費用由父母繳交，長子沒有交家用，僅「間中會畀一千幾百」。
樓主表示，朋友最近得知父母已一早立下「平安紙」遺囑，將名下居屋和全部積蓄分配給兄長，自己卻甚麼都沒有，令朋友很傷心，因為她自覺一直以來為家庭付出更多。樓主又引述朋友指，父母是擔心女兒爭家產，才提早立平安紙，「朋友喊曬口咁話唔知點去再面對佢哋，佢冇諗過要錢，但而家心中有刺，只可以話佢同父母緣淺。」
《溏心風暴3》劇照
帖文引起網民熱議，不少人覺得父母過於偏心，「咁佢父母真係好偏心喎！」、「其實今時今日，仲有好多女性活係重男輕女家庭，可憐」、「真係偏心到爆，做女嘅堅傷心」；但亦有人覺得父母有權決定如何分配自己的財產，「無話正唔正常，錢係父母嘅，佢地鍾意咁樣安排」、「係，好睇父母。除咗睇下係咪重男輕女之外，仲要睇大家關係，錫邊個多啲」。
文章來源：親子王國
