時至今日，「生仔定生女好？」尼個話題依然係新鮮，今次在見到討論區見到尼個關於「生仔 vs. 生女既分別」嘅討論，再次引起本人興趣，深入話題後，了解原來依家唔少家長唔係偏重「重男輕女」嘅思想觀念。
今次，呢個話題下，原來JM係向有子女嘅家長討教關於「對養育女／仔既方針同期望會有好大分別嗎？」嘅話題，令人諗到無論係生仔定生女，更實際、更現實嘅話題原來係：「生乜都好， 總之要教得好。」
即刻Click入討論區：睇生仔 vs. 生女既分別
當然，討論區仍有唔少JM對於生仔或生女嘅話題表態不一，有JM表示生女比生仔黏人、生女比生仔好：「亞女宜家10歲比較痴Daddy，同我就成日頂撞，但簡中都嗲下我」、「生女好，投資少回報高」、「孝順女永遠多過孝順仔，好的女婿永遠多過好的新抱」等等。對於生男仔，曾經有討論區談及過教養男仔嘅方式與女仔有不同：「湊仔Vs湊女原來好大分別！5個教養男孩不可忽略的要點」，當中有提及過5個唔可以忽略嘅要點：
1. 男廁女廁問題
2. 培養表達能力
3. 為囝囝找到興趣
4. 培養責任心
5. 爸爸的陪伴最重要！
其實個人認為，真係冇話仔好定女好，總之自己生嘅就一定鍾意，自己生的係最錫、最著緊。
不過就番JM一開始嘅問題，無論生仔定係生女，在子女嘅教養方式上，男同女係會有差異，然而，唔少JM表示其實都係決於孩子嘅性格，而父母嘅教養方式都好重要，最重要嘅嘢都係要識得「教」：
．「生仔同生女一樣，教得唔好都係頂心杉一名」；
．「其實仔女都無所謂，如果係聽教、孝順男女都好」;
．「如果反叛、激之男女都唔好」；
．「識教生咩都好」……
係孩子出生至幼兒嘅階段，父母嘅陪伴、教育方式以及指引都係好重要，而父母係親子之間嘅相處及教育模式中，會無形地影響子女嘅性格，如果父母過於強勢，子女或會變得懦弱；如果子女冇得到父母嘅管束或過份溺愛，子女過份依賴，無法自己學習，作為父母，孩子無論係男仔或女仔，都應該避免過度保護或操縱他們。
即刻Click入討論區睇：睇生仔 vs. 生女既分別
