本港生活成本高，許多家庭都要「公一份，婆一份」，日常只好聘請外傭照顧家庭和孩子，惟本港近日疫情嚴重，港府亦實際疫苗通行證的安排，有港媽指外傭不願意接種疫苗，擔心影響日常工作，亦有港媽以金額利誘外傭接種疫苗，但仍然鬧得不愉快。
港媽在親子王國討論區以「疫苗氣泡下，我家姐姐堅持唔打針」為題及文，指她家中有兩個小朋友，平日由外傭負責買餸和煮食，近日港府擴大疫苗通行證至街市、超市和商場等，而外傭拒絕接種疫苗，擔心她無法履行職責，「仲應唔應該繼續用佢好？」
對此，有人認為要解僱外傭，「一個幫唔到手的工人，你重留來做乜？」、「佢知唔知唔打針係入唔倒街市超市？如果知都唔打就知佢咩意思啦，乜都唔使佢做喎」後來港媽向外傭表明，如果堅持不接種疫苗就會終止合作，結果姐姐亦改變主意，願意接種疫苗。
亦有港媽發文表示，外傭不想第三針疫苗，她於是以金錢利誘對方，並幫姐姐預約，但對方卻不願意在放假日接種，令她十分無奈，「我話我比 $500 bonus 你，你仲同我講，要平日打放假唔得閒？」最後，外傭願意在星期日接種疫苗，但回家卻一直黑面，令港媽嘅嘆「我都唔知之後點同佢相處」。
有網民批評港媽的做法是「做壞規矩」，「真慘，要俾錢打第3針，你小心工人食住你」、「打針都要俾錢利誘」、「見你咁好比五舊，仲唔乘機多啲要求咩」、「明白你的原意，但咁做咪苦了其他僱主」，亦有人批評外傭太多要求，「明知你唔係特登剝削佢既假期，只係安排唔到先叫佢星期日打，佢仲要黑面？」、「工人永遠都顧自己，唔會諗其他人所需」。
亦有認為在非常時期，如果外傭工作表現良好，僱主唯有多多忍讓，亦應該要將心比己，「呢個時勢，唯有俾佢食住，小朋友在佢手，點都要忍」、「我自己打工，我都返工時間出去打 + 打完唔返公司 & 翌日1天針假」。
