農曆新年期間，大家都會到親戚家中拜年食飯，有港男因一原因害怕與親戚食飯。該名港男在網上討論區發文，指自己從小到大因不懂揸筷子，屢被親人指責，每逢新年最怕與一大班親戚圍住圓枱食飯，並認為揸筷子不一定要正確，最重要是「夾到餸」。
該名港男在香港討論區以「咁大個人都唔識揸筷子」為題發文，一開首即問網民「其實有幾多人真係識揸筷子？」他分享自己從小到大經常被人指責不懂得揸筷子，「每次一班人食飯，夾餸夾慢少少，就會畀人話咩你到依家仲唔識揸筷子呀！」
港男坦言，每年新年，其中一樣最怕的事情就是與一大班親戚在圓枱食飯，「夾咗好耐都夾唔起，佢地見到我揸筷子嘅手勢，就會話我。仲叫我買啲小朋友學揸嘅筷子嚟學揸筷子。」農曆新年將至，他害怕又要面對與親戚們食飯，「真係唔想聽到佢地又咁講我。」 他認為揸筷子夾到餸就得，「雖然我揸筷子嘅方法唔係正確，但係最重要夾到餸咪得，夾得慢少少有咩問題。」
有關帖文引起網民熱烈討論，有人認為「咪學過囉，有底子有幾難」、「中國人揸筷子唔掂，實在有點兒那過」、「依家唔單止好多人揸筷子揸得肉酸，連揸筆寫字都揸得好肉酸」；但亦有人覺得不懂得揸筷子問題不大，「都冇所謂，夾到餸又唔阻住人就得」、「我幾十歲人都係唔識揸筷子，又冇規定嘅。識食嘢就得，唔使理人哋點講」。
文章來源：香港討論區
