疫情之下，不少外傭依然會放假時與多人聚會。近日有菲傭因放假時參與聚會，最終確診，令僱主一家三口需要隔離。有港媽見狀擔憂自己的外傭都會因此而確診，苦惱該如何勸她不要參加聚會。
該港媽於「親子王國討論區」以「我好驚我工人中招…」為題發貼。她分享了近日一名菲傭確診的新聞，內容指該僱主形容確診菲傭十分「貪玩」，堅持星期日放假，而且經常參與多人的除口罩聚會。最終確診外傭的僱主一家三口，包括三歲的兒子需要隔離。
該港媽覺得很有同感，因為自己的外傭性格都是貪玩，「呢個時勢仲出去公園除罩食嘢傾偈……同佢講過不如放平日，唔好星期日出去，佢死都唔肯」。她便問其他網民意見︰「究竟點講佢先聽？」
不少網民十分同情該港媽，認為真的很難改變外傭習慣，所以決定放棄請工人，一了百了︰「我從來都覺得請工人唔係解決問題，係製造更多問題 ，我冇小朋友，兩公婆就咁請鐘點執下屋就算！」有網民亦建議，若外傭屢勸不聽，可考慮不與她續約。
不過，亦有不少人認為外傭希望放星期日和朋友聚聚，亦是人之常情︰「其實一星期佢哋都係得一日假，咁都唔畀同朋友見面，又的確好慘」、「我有請工人，第三波有叫過佢唔放一兩日（我叫佢係房休息補錢畀佢）第四波就無啦，始終人都要休息。疫情搞咁耐，好難唔畀佢放假。」
