2020-12-18

1.1K

【幾個移民媽】十年準備女兒留學 港媽Vikey:勿忘關注仔女心態

BNO移民英國,將於1月底接受申請,成爲全城熱話。有人疊埋心水,早早教定鬧鐘,時間一到就遞交申請。有人舉棋不定,心大心細,怕一子錯滿盤皆落索。

無論如何,移民都係大決定。就好似有人住慣港島,他朝有日要搬去新界,竟視爲遠走他鄉,幾番掙扎。我真係坳晒頭,香港有幾大,港島搬新界都尚且如此,更何況移民。

更多文章:【幾個移民媽】美國「天才班」老師大讚串錯字:最怕學生不敢犯錯

BNO移民英國,將於1月底接受申請,有人把心一橫,舉家移民。

更多文章:【幾個移民媽】未能移民前 在港亦盡量感受外國生活

不過,香港教育唔爭氣,披着「愉快學習」嘅羊皮,說穿了依然係一隻「痛苦學習」嘅狼,吃掉多少無憂嘅童年。經受過,就不忍心仔女再入狼口,於是不少父母另謀出路。有人選擇特色私校,有人鍾情國際學校,更有人把心一橫,舉家移民。

尋尋覓覓,逃離荒誕,但求有幸呼吸一口自由嘅空氣。

移民可以擺脫分數至上嘅傳統教育,但年幼仔女,未必懂得處理新環境嘅壓力。

移民壓力大,充分溝通必不可少

好多決定移民嘅父母滿心歡喜,認爲擺脫分數至上嘅傳統香港教育,終於爲下一代搵到出路。然而,面對移民呢個大決定,往往忘記聽下仔女嘅睇法,忽略咗佢哋嘅感受。

有研究發現,搬屋嘅壓力大過離婚,榮升十大壓力來源之首。小小年紀,未必懂得處理步入新環境嘅壓力。所以,移民前同仔女有充分溝通,疏導佢哋嘅情緒,實在必不可少。

留學英倫前的準備

最近同人氣急升嘅「英國通」Goodbye HK Hello Billy傾計,佢即將結集成書嘅《一念英倫》系列,大家應該唔陌生。嬉笑怒罵道出多少香港人嘅心聲,才子陶傑亦頗爲賞識。我哋傾咗好多英國讀書嘅嘢,佢囡囡喺英國寄宿學校讀五年班。留學前,Billy真係做足功課。打算移民嘅父母不妨參考一下。

話說囡囡懂事起,Billy就時不時提及英國。囉嗦如唐僧,只爲令囡囡知道一家人嘅移民計劃。佢話,「想喺阿女嘅小腦袋,放一粒種子」。如佢所料,呢粒種子逐漸發芽,囡囡明白將來會喺英國生活,於是對英文好有興趣。自幼稚園起,就特別主動同外教交流,成爲外教至愛,英文自然越來越好。到囡囡大啲,一有機會就帶佢飛去英國,會會當地朋友,體驗平常生活。囡囡好快愛上英國嘅天高地闊,如願喺今年踏入10歲之際,負笈英倫。

更多文章:【幾個移民媽】飛英生活體驗日記 第三章:離開家園的傷感

不妨同仔女傾下面臨嘅變化,發夢諗下移民後嘅新生活。

更多文章:【幾個移民媽】美國「天才班」老師大讚串錯字:最怕學生不敢犯錯

憧憬移民後的新生活

社會心理學有個現象叫,self-fulfilling prophecy(自我應驗預言),Billy囡囡就係最好嘅詮釋。好多時,我哋會不經意間,令自己嘅預言變成現實。唔好嘲笑任何期許,縱使看起來遙不可及,只要播下種子,就有破土發芽嘅可能。

雖然,疫情打亂咗好多人嘅計劃,亦難以帶仔女實地考察,提早適應。不過香港人一向轉數快,實有計諗掂佢。所以,大家不妨同仔女傾下,移民會面對嘅變化。最重要嘅係,如播種般,同仔女發下夢,憧憬下移民後嘅新生活。

如果你連夢都唔識發,又如何夢想成真呢?發夢係一種生活態度,可以舒緩壓力,助你全速前進。態度決定高度,祝遠行者一切順利。

【編按:以上內容為作者之個人意見及立場】

相關文章

【移民決定】老爺奶奶多病 姑仔卻堅持移民惹阿嫂不滿:太自私

【理財與教育心理學】 功課計劃如何提升小朋友功課表現

理財個案--長遠移居台灣的考慮

年青人唔夠勤力?

緊貼新冠肺炎最新相關資訊